ឯកឧត្តម សួន សេរីរដ្ឋា ដឹកនាំកិច្ចប្រជុំស្តីពីការចុះពង្រឹងការអនុវត្តផែនការសកម្មភាព និងផែនការថវិកា លើការងារអភិវឌ្ឍន៍ និងអភិរក្សជនជាតិដើមភាគតិច នៅខេត្តបាត់ដំបង

រាជធានីភ្នំពេញ ÷ នាព្រឹកថ្ងៃពុធ ១រោច ខែចេត្រ ឆ្នាំរោង ឆស័ក ព.ស. ២៥៦៧ ត្រូវនឹងថ្ងៃទី ២៤  ខែមេសា ឆ្នាំ ២០២៤  ឯកឧត្តម សួន សេរីរដ្ឋា រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ អមដំណើរដោយ លោក មេង សៅ ភាក់គុណ អគ្គនាយករង និងក្រុមការងារនៃនាយកដ្ឋានអភិវឌ្ឍន៍ជនជាតិភាគតិច បានដឹកនាំកិច្ចប្រជុំស្តីពីការចុះពង្រឹងការអនុវត្តផែនការសកម្មភាព និងផែនការថវិកា លើការងារអភិវឌ្ឍន៍ និងអភិរក្សជនជាតិដើមភាគតិច នៅមន្ទីរអភិវឌ្ឍន៍ជនបទខេត្ត។ នៅក្នុងប្រជុំនេះដែរ មានការអញ្ជើញចូលរួមពីលោក សុឺ សំណាង អនុប្រធានមន្ទីរសេដ្ឋកិច្ច ហិរញ្ញវត្ថុ និងលោក លោកស្រីថ្នាក់ដឹកនាំមន្ទីរ លោក លោកស្រី ប្រធាន អនុប្រធានការិយាល័យជនជាតិ  លោកស្រីអនុប្រធានការិយាល័យគណៈនេយ្យ លោកអនុប្រធានការិយាល័យផែនការរបស់មន្ទីរអភិវឌ្ឍន៍ជនបទខេត្តបាត់ដំបង ។

កិច្ចប្រជុំនេះមានគោលបំណង សំខាន់ដើម្បីពង្រឹងសមត្ថភាព និងការអនុវត្តផែនការសកម្មភាពរបស់ថ្នាក់ដឹកនាំ និងមន្ត្រីដែលទទួលបន្ទុកការងារជនជាតិភាគតិចអោយបានល្អប្រើសើរ។

កិច្ចប្រជុំនេះបានបញ្ចប់ប្រកបដោយភាពផ្លែផ្កា និងបរិយាកាសស្និទ្ធស្នាលបំផុត។