លោកប្រធានមន្ទីរអភិវឌ្ឍន៍ជនបទបានដឹកនាំ ក្រុមការងារបច្ចេកទេសការិយាល័យផ្គត់ផ្គង់ទឹកចុះជួសជុលអណ្តូងស្នប់ ចំនួន ៥ អណ្តូង និងដឹកទឹកចែកជូនប្រជាពលរដ្ឋ ចំនួន១៤២គ្រួសារ ស្មើ ១៥០០០លីត្រ ក្នុងស្រុកទឹកឈូ និងក្រុងបូកគោ

ខេត្តកំពត៖ នាថ្ងៃពុធ និងថ្ងៃព្រហស្បតិ៍ ៨-៩រោច ឆ្នាំរោង ឆស័ក ព.ស. ត្រូវនឹងថ្ងៃទី១និង២ ខែឧសភា ឆ្នាំ២០២៤ លោកប្រធានមន្ទីរអភិវឌ្ឍន៍ជនបទ បានដឹកនាំ ក្រុមការងារបច្ចេកទេសការិយាល័យផ្គត់ផ្គង់ទឹកចុះជួសជុលអណ្តូងស្នប់ បានចំនួន ៥ អណ្តូង និងចែកទឹកជូនប្រជាពលរដ្ឋចំនួន១៤២គ្រួសារ សម្រាប់ប្រើប្រាស់និងបរិភោគដូចខាងក្រោម៖
១. ភូមិត្រពាំងកក់ ឃុំស្ទឹងកែវ ស្រុកទឹកឈូ ចំនួន ២អណ្តូង
២. ភូមិព្រែកអំពិល និង ភូមិគីឡូ១២ សង្កាត់ កោះតូច ក្រុង បូកគោ ចំនួន៣ អណ្តូង (ក្នុងនោះមាន១អណ្តូងមិនអាចជួសជុលបានដោយសារក្មេងៗទំលាក់ដុំថ្ម និងដីចូលទៅក្នុងអណ្តូងជ្រៅ)
៣. ភូមិត្រសេកកោង ចំនួន ២៧គ្រួសារ
៤. ភូមិវត្តពោធិ ចំនួន ១១៥គ្រួសារ