![ឯកឧត្តម ម៉ា សុវណ្ណា បានដឹកនាំកិច្ចប្រជុំក្រុមលេខាធិការដ្ឋានរៀបចំគោល នយោបាយជាតិអភិវឌ្ឍន៍ជនបទឆ្នាំ២០២៥-២០៣៨ 9 photo 2024 07 25 18 10 55 2](https://www.mrd.gov.kh/wp-content/uploads/2024/07/photo_2024-07-25_18-10-55-2-150x150.jpg)
ក្រុមការងារបច្ចេកទេសការងារបញ្ចប់ការបន្ទោបង់ពាស់វាលពាសកាលកម្រិតខ្ពស់ (ODF+) បានចុះអង្កេត និងពិនិត្យផ្ទៀងផ្ទាត់ការងារបញ្ចប់ការបន្ទោបង់ពាសវាលពាសកាលកម្រិតខ្ពស់ (ODF+) ថ្នាក់សង្កាត់ នៅសង្កាត់ព្រែកស្ដី និងក្រុងសំពៅពូន ខេត្តកណ្ដាល
- ថ្ងៃទី១១ ខែមករា ឆ្នាំ២០២៤ ម៉ោង ១០:០០ ព្រឹក
- សកម្មភាពក្រសួង
![ក្រុមការងារបច្ចេកទេសការងារបញ្ចប់ការបន្ទោបង់ពាស់វាលពាសកាលកម្រិតខ្ពស់ (ODF+) បានចុះអង្កេត និងពិនិត្យផ្ទៀងផ្ទាត់ការងារបញ្ចប់ការបន្ទោបង់ពាសវាលពាសកាលកម្រិតខ្ពស់ (ODF+) ថ្នាក់សង្កាត់ នៅសង្កាត់ព្រែកស្ដី និងក្រុងសំពៅពូន ខេត្តកណ្ដាល 2 photo 2024 01 09 17 15 17](https://www.mrd.gov.kh/wp-content/uploads/2024/01/photo_2024-01-09_17-15-17-1000x750.jpg)
ខេត្តកណ្តាល៖ នៅព្រឹកថ្ងៃអង្គារ ១៣រោច ខែមិគសិរ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី០៩ ខែមករា ឆ្នាំ២០២៤ លោក ហៃ ដាន អនុប្រធានមន្ទីរអភិវឌ្ឍន៍ជនបទខេត្តកណ្តាល បានដឹកនាំក្រុមការងារបច្ចេកទេសការងារបញ្ចប់ការបន្ទោបង់ពាស់វាលពាសកាលកម្រិតខ្ពស់ (ODF+) បានចុះអង្កេត និងពិនិត្យផ្ទៀងផ្ទាត់ការងារបញ្ចប់ការបន្ទោបង់ពាសវាលពាសកាលកម្រិតខ្ពស់ (ODF+) ថ្នាក់សង្កាត់ នៅសង្កាត់ព្រែកស្ដីក្រុងសំពៅពូន ខេត្តកណ្ដាល។
ពិធីនេះមានការអញ្ជើញចូលរួមពីសំណាក់ លោក ឈាន ប៊ុនឈឿន ប្រធានការិយាល័យសេដ្ឋកិច្ច និងអភិវឌ្ឍន៍សហគមន៍ និងកញ្ញា ភី លក្ខិណា មន្ត្រីការិយាល័យសេដ្ឋកិច្ច និងអភិវឌ្ឍន៍សហគមន៍ រួមជាមួយក្រុមការងារបច្ចេកទេសវិស័យផ្គត់ផ្គង់ទឹក និងអនាម័យជនបទ (MWG-RWSSH) ក្រុងសំពៅពូន លោកចៅសង្កាត់ លោក លោកស្រីសមាជិកក្រុមប្រឹក្សាសង្កាត់ព្រែកស្ដី និងលោក លោកស្រីមេភូមិ អនុភូមិ និងសមាជិកភូមិ សរុប ២៨នាក់។
ពិធីនេះមានការចូលរួមសហការយ៉ាងសកម្មពីក្រុមការងារបច្ចេកទេសវិស័យផ្គត់ផ្គង់ទឹក និងអនាម័យជនបទ (MWG-RWSSH) ក្រុងសំពៅពូន លោកចៅសង្កាត់ សមាជិកក្រុមប្រឹក្សាសង្កាត់ព្រែកស្ដី និងលោក លោកស្រីមេភូមិ អនុភូមិ និងសមាជិកភូមិ។ ក្នុងនោះដើម្បីធានាបាននូវការអះអាងប្រកបដោយសុក្រិតភាព និងតម្លាភាពលើដំណើរការចុះផ្ទៀងផ្ទាត់នេះ ក្រុមការងារបានអនុវត្តយ៉ាងខ្ជាប់ខ្ជួននូវរាល់គោលការណ៍ណែនាំ និងឯកសារពាក់ព័ន្ធរបស់ក្រសួងអភិវឌ្ឍន៍ជនបទ។
ជាលទ្ធផលមកទល់ពេលបច្ចុប្បន្ននេះ សម្រាប់ឃុំ សង្កាត់ ចំនួន ១២៧ ឃុំ សង្កាត់ និងភូមិ ចំនួន ១ ០១០ភូមិ នៅទូទាំង១៣ ក្រុង ស្រុក ក្នុងភូមិសាស្ត្រខេត្តកណ្តាល ក្រុមការងារមន្ទីរតាមរយៈកិច្ចសហការយ៉ាងល្អពីក្រុមការងារថ្នាក់ ក្រុង ស្រុកនីមួយៗ កិច្ចការនេះគ្រោងនឹងបញ្ចប់ការចុះផ្ទៀងផ្ទាត់ការបញ្ចប់បន្ទោបង់ពាសវាលពាសកាលកម្រិតខ្ពស់ (ODF+)ជាស្ថាពរនៅដើមខែមករា ឆ្នាំ២០២៤ នាពេលខាងមុខឆាប់ៗនេះ៕
ក្រុមការងារបច្ចេកទេសការងារបញ្ចប់ការបន្ទោបង់ពាស់វាលពាសកាលកម្រិតខ្ពស់