![ឯកឧត្តម ម៉ា សុវណ្ណា បានដឹកនាំកិច្ចប្រជុំក្រុមលេខាធិការដ្ឋានរៀបចំគោល នយោបាយជាតិអភិវឌ្ឍន៍ជនបទឆ្នាំ២០២៥-២០៣៨ 8 photo 2024 07 25 18 10 55 2](https://www.mrd.gov.kh/wp-content/uploads/2024/07/photo_2024-07-25_18-10-55-2-150x150.jpg)
វគ្គបណ្ដុះបណ្ដាលស្ដីពី “ការធ្វើផែនការសុវត្ថិភាពជនបទ ដែលធន់នឹងអាកាសធាតុ” ត្រូវបានរៀបចំដោយ មន្ទីរអភិវឌ្ឍន៍ជនបទខេត្តកណ្តាល សហការជាមួយរដ្ឋបាលស្រុកស្អាង តាមរយៈការគាំទ្រពីអង្គការវ៉តធើអេត
- ថ្ងៃទី១៣ ខែធ្នូ ឆ្នាំ២០២៣ ម៉ោង ១០:០០ ព្រឹក
- សកម្មភាពក្រសួង
![វគ្គបណ្ដុះបណ្ដាលស្ដីពី “ការធ្វើផែនការសុវត្ថិភាពជនបទ ដែលធន់នឹងអាកាសធាតុ” ត្រូវបានរៀបចំដោយ មន្ទីរអភិវឌ្ឍន៍ជនបទខេត្តកណ្តាល សហការជាមួយរដ្ឋបាលស្រុកស្អាង តាមរយៈការគាំទ្រពីអង្គការវ៉តធើអេត 2 photo 2023 12 06 17 21 10](https://www.mrd.gov.kh/wp-content/uploads/2023/12/photo_2023-12-06_17-21-10-1000x750.jpg)
ខេត្តកណ្តាល៖ នៅព្រឹកថ្ងៃព្រហស្បតិ៍ ១០រោច ខែកត្តិក ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី៧ ខែធ្នូ ឆ្នាំ២០២៣ មន្ទីរអភិវឌ្ឍន៍ជនបទខេត្តកណ្តាល សហការជាមួយរដ្ឋបាលស្រុកស្អាង តាមរយៈការគាំទ្រពីអង្គការវ៉តធើអេត (Water Aid) បានរៀបចំបើកវគ្គបណ្ដុះបណ្ដាលស្ដីពី “ការធ្វើផែនការសុវត្ថិភាពជនបទ ដែលធន់នឹងអាកាសធាតុ” នៅសាលប្រជុំសាលាស្រុកស្អាង ក្រោមអធិបតីភាព លោក ហឿន ទ្រី អនុប្រធានមន្ទីរអភិវឌ្ឍន៍ជនបទខេត្ត និងលោកស្រី សែម ចាន់ថូ អភិបាលរង នៃគណៈអភិបាលស្រុកស្អាង ដោយមានការអញ្ជើញចូលរួមដោយផ្ទាល់ពី លោក សុខ ឯកឧត្តម តំណាងអង្គការវ៉តធើអេត (Water Aid) លោក លោកស្រី មន្ត្រីរាជការ នៃមន្ទីរអភិវឌ្ឍន៍ជនបទខេត្តកណ្ដាល លោក លោកស្រីក្រុមការងារបច្ចេកទេសវិស័យផ្គត់ផ្គង់ទឹក និងអនាម័យជនបទថ្នាក់ស្រុក(DWG) លោកមេឃុំ សមាជិកក្រុមប្រឹក្សាឃុំ ស្មៀនឃុំ លោកប្រធាន គ.ក.ន.កឃុំ តំណាងសាលារៀន តំណាងមណ្ឌលសុខភាព ប្រតិបត្តិករផ្គត់ផ្គង់ទឹកសរុប ២៥រូប ស្រី ៨នាក់។
គោលបំណង នៃវគ្គបណ្ដុះបណ្ដាលនេះ គឺដើម្បីបង្កើនការយល់ដឹងស្តីពី ផែនការសុវត្ថិភាពទឹកដែលធន់នឹងអាកាសធាតុ ដល់រដ្ឋបាលថ្នាក់ឃុំ និងថ្នាក់ស្រុក និងបង្ហាញពីគំរូសៀវភៅផែនការសុវត្ថិភាពទឹកដែលធន់នឹងអាកាសធាតុថ្នាក់ឃុំ ការពង្រឹងសមត្ថភាពក្រុមការងារផ្គត់ផ្គង់ទឹកស្អាត ការសំអាត និងអនាម័យជនបទ ក្នុងការកសាងផែនការ និងអនុវត្តផែនការសុវត្ថិភាពទឹកដែលធន់នឹងអាកាសធាតុនៅថ្នាក់ឃុំ និងភូមិ និងជំរុញឱ្យរដ្ឋបាលឃុំ និងស្រុក ចេះវាយតម្លៃពីហានិភ័យគ្រោះមហន្តរាយ ក្នុងការធ្វើផែនការសុវត្ថិភាពទឹក
ជាលទ្ធផលរំពឹងទុក នៃវគ្គបណ្តុះបណ្តាលមានដូចខាងក្រោម៖
– អ្នកចូលរួមបានយល់ពីការធ្វើផែនការសុវត្ថិភាពទឹកថ្នាក់ភូមិ និងឃុំ និងបានយល់អំពីសារៈសំខាន់នៃការធ្វើផែនការសុវត្ថិភាពទឹកថ្នាក់ភូមិ និងឃុំ ប្រកបដោយសមត្ថភាពគ្រប់គ្រាន់ក្នុងការដឹកនាំការ អនុវត្តផែនការសុវត្ថិភាពទឹកថ្នាក់ភូមិ និងឃុំ និងយកទៅផ្សព្វផ្សាយបន្តទៅដល់បងប្អូនប្រជាពលរដ្ឋនៅក្នុងមូលដ្ឋានស្រុកស្អាង។