ឯកឧត្តម ទ្រី មេង ដឹកនាំគណកម្មការអន្តរក្រសួងចុះត្រួតពិនិត្យ និងវាយតម្លៃការងារជួសជុលផ្លូវក្រាលក្រួសក្រហម ចំនួន ១៤ខ្សែ នៅខេត្តត្បូងឃ្មុំ

ខេត្តត្បូងឃ្មុំ៖ នៅព្រឹកថ្ងៃព្រហស្បតិ៍ ១២កើត ខែកត្តិក ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២៣ ខែវិច្ឆិកា ឆ្នាំ២០២៣ ឯកឧត្តម ទ្រី មេង រដ្ឋលេខាធិការ តំណាងដ៏័ខ្ពង់ខ្ពស់ ឯកឧត្ដម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានដឹកនាំគណកម្មការអន្តរក្រសួង រួមមានក្រសួងអភិវឌ្ឍន៍ជនបទ និងក្រសួងសេដ្ឋកិច្ច និងហិរញ្ញវត្ថុ ព្រមទាំងមន្ត្រីបច្ចេកទេសការិយាល័យផ្លូវជនបទ នៃមន្ទីរអភិវឌ្ឍន៍ជនបទខេត្តត្បូងឃ្មុំ ចុះត្រួតពិនិត្យ និងវាយតម្លៃលើការងារជួសជុលផ្លូវក្រាលក្រួសក្រហមជាលក្ខណៈប្រចាំជំហានទី១ ចំនួន ១៤ខ្សែ មានប្រវែងសរុប ១០១,៤៥ គីឡូម៉ែត្រ ដែលជាលទ្ធផលសម្រេចបាន ៩០% ។

ក្នុងឱកាសនោះ ឯកឧត្តមរដ្ឋលេខាធិការ បានណែនាំឱ្យក្រុមហ៊ុនទទួលការសាងសង់ ត្រូវអនុវត្តការងារឱ្យបានត្រឹមត្រូវតាមក្បួនខ្នាតបច្ចេកទេស ដើម្បីឱ្យផ្លូវមានគុណភាពល្អ ប្រើប្រាស់បានយូរអង្វែង និងដើម្បីបម្រើផលប្រយោជន៍ដល់ប្រជាពលរដ្ឋក្នុងការធ្វើចរាចរណ៍ ជាពិសេសការដឹកជញ្ជូនកសិផលទៅកាន់ទីផ្សារ៕

Share your thoughts