ឯកឧត្តម សាន វិសាល រដ្ឋលេខាធិការ បានដឹកនាំគណ:កម្មការអន្តរក្រសួង ពិនិត្យ និងវាយតម្លៃផ្លូវ ១៤ខ្សែនៅក្នុងខេត្តកំពង់ធំ

ខេត្តកំពង់ធំ ៖ នាព្រឹកថ្ងៃពុធ ១០កើត ខែកត្តិក ឆ្នាំថោះ បញ្ចស័ក ព.ស. ២៥៦៧ ត្រូវនឹងថ្ងៃទី២២ ខែវិច្ឆិកា ឆ្នាំ២០២៣ ឯកឧត្តម សាន វិសាល រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម ឆាយ ឫទ្ធិសែន រដ្ឋមន្រ្តីក្រសួងអភិវឌ្ឍន៍ជនបទ បានដឹកនាំគណ:កម្មការអន្តរក្រសួង រួមមានក្រសួងអភិវឌ្ឍន៍ជនបទ និងក្រសួងសេដ្ឋកិច្ច និងហិរញ្ញវត្ថុ រួមជាមួយ លោក តាន់ វាសនា ប្រធានស្តីទី មន្ទីរអភិវឌ្ឍន៍ជនបទខេត្តកំពង់ធំ និង និងមន្ត្រីបច្ចេកទេស អញ្ជើញទៅត្រួតពិនិត្យ និងវាយតំលៃ លើការងារថែទាំផ្លូវក្រាលល្បាយក្រួស របស់មន្ទីរអភិវឌ្ឍន៍ជនបទខេត្តកំពង់ធំ ដំណាក់កាលទី ១  ចំនួន ១៤ខ្សែ ប្រវែងសរុប ១២០ ២៥០ម៉ែត្រ ស្ថិតនៅក្នុងស្រុកបារាយណ៍ ស្រុកសន្ទុក ស្រុកកំពង់ស្វាយ ស្រុកប្រាសាទសំបូរ និងស្រុកប្រាសាទបល្ល័ង្គ ខេត្តកំពង់ធំ។

បន្ទាប់ពីបានពិនិត្យ ទៅលើសោភ័ណ្ឌភាព និងគុណភាពរួចមកគណៈកម្មការអន្តរក្រសួង បានសម្រេចឯកភាពទទួលយក ១០០% សម្រាប់ការអនុវត្តដំណាក់កាលទី ១ នេះ៕

Share your thoughts