ឯកឧត្តម នួន ពេជ្រនិមិត្ត រដ្ឋលេខាធិការ តំណាងដ៏ខ្ពង់ខ្ពស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានអញ្ជើញចូលរួមក្នុងពិធីអបអរសាទរ ទិវាអក្ខរកម្មជាតិ ០៨ កញ្ញា ឆ្នាំ២០២៣

(ព្រះវិហារ) ៖ នាព្រឹកថ្ងៃសុក្រ ៨រោច ខែស្រាពណ៍ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី០៨ ខែកញ្ញា ឆ្នាំ២០២៣ នៅទីរួមខេត្តព្រះវិហារ ឯកឧត្តម នួន ពេជ្រនិមិត្ត រដ្ឋលេខាធិការ តំណាងដ៏ខ្ពង់ខ្ពស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានអញ្ជើញចូលរួមក្នុងពិធីអបអរសាទរ ទិវាអក្ខរកម្មជាតិ ០៨ កញ្ញា ឆ្នាំ២០២៣ ក្រោមអធិបតីភាព ឯកឧត្ដម ណុះ ស្លេះរដ្ឋលេខាធិការ ក្រសួងអប់រំ យុវជន និងកីឡា ដោយមានការចូលរួមពី អជ្ញាធរខេត្ត តំណាងក្រសួង ស្ថាប័ន មន្ទីរអប់រំ យុវជន និងកីឡា ទាំង ២៥ខេត្ត គ្រឹះស្ថានសិក្សានានា លោកគ្រូ អ្នកគ្រូ សិក្សានុសិស្ស ព្រមទាំងអង្គការដៃគូ សរុបប្រមាណ ២ ៥០០នាក់ ៕