នាយកដ្ឋានរដ្ឋបាលនិងបុគ្គលិក បានរៀបចំសិក្ខាសាលាស្តីពី ការគ្រប់គ្រងការងាររដ្ឋបាល និងបុគ្គលិក

នៅថ្ងៃព្រហស្បតិ៍ ៥កើត ខែផល្គុន ឆ្នាំកុរ ឯកស័កព.ស.២៥៦៣ ត្រូវនឹងថ្ងៃទី ២៧ ខែកុម្ភៈ ឆ្នាំ២០២០ នៅទីស្តីការក្រសួងអភិវឌ្ឍន៍ជនបទ នាយកដ្ឋានរដ្ឋបាលនិងបុគ្គលិក បានរៀបចំសិក្ខាសាលាស្តីពី ការគ្រប់គ្រងការងាររដ្ឋបាល និងបុគ្គលិក ក្រោមអធិបតីភាព ឯកឧត្តម សាន វិសាល រដ្ឋលេខាធិការ តំណាងដ៏ខ្ពង់ខ្ពស់របស់ ឯកឧត្តមបណ្ឌិត អ៊ុក រ៉ាប៊ុន រដ្ឋមន្រ្តីក្រសួងអភិវឌ្ឍន៍ជនបទ ដោយមានការចួលរួមពីសំណាក់ឯកឧត្តមអនុរដ្ឋលេខាធិការ លោកអគ្គនាយករងរដ្ឋបាលនិងហិរញ្ញវត្ថុ តំណាងអគ្គាធិការដ្ឋាន ប្រធាន/អនុប្រធាននាយកដ្ឋានទាំង១១ ប្រធាន/អនុប្រធានមន្ទីរអភិវឌ្ឍន៍ជនបទទាំង២៥រាជធានីខេត្ត ប្រធាន/អនុប្រធានការិយាល័យរដ្ឋបាលនិងកិច្ចការទូទៅ និងមន្រ្តីពាក់ព័ន្ធ សរុបចំនួន ៩៥ នាក់ ស្រីចំនួន ១៩ នាក់ ។
នាយកដ្ឋានរៀបចំសិក្ខាសាលានេះ ក្នុងគោលបំណងដើម្បីឲ្យមន្រ្តីថ្នាក់ដឹកនាំមន្ទីរ និងការិយាល័យទទួលបន្ទុកការងាររដ្ឋបាលនិងបុគ្គលិក បំពេញការងារប្រកបដោយប្រសិទ្ធភាព និងប្រសិទ្ធផល ជាពិសេសការរៀបចំលិខិតបទដ្ឋាននានាដែលបញ្ជូនទៅថ្នាក់ដឹកនាំឱ្យមានភាពត្រឹមត្រូវ ដើម្បី ពង្រឹងការអនុវត្តច្បាប់, លិខិតបទដ្ឋានគតិយុត្ត ។

Share your thoughts