ឯកឧត្តមបណ្ឌិត ចាន់ ដារ៉ុង ដឹកនាំមន្ត្រីបច្ចេកទេសគម្រោង និងក្រុមទីប្រឹក្សាបច្ចេកទេសរបស់គម្រោង នៃក្រសួងអភិវឌ្ឍន៍ជនបទ ចូលរួមពិនិត្យវឌ្ឍនភាពនៃការអនុវត្តគម្រោងកែលម្អការតភ្ជាប់ហេដ្ឋារចនាសម្ព័ន្ធផ្លូវថ្នល់ (RCIP) ជាមួយក្រុមបេសកកម្មធនាគារពិភពលោក

ខេត្តកំពង់ចាម និងខេត្តត្បូងឃ្មុំ៖ នៅថ្ងៃអង្គារ ៦រោច-ថ្ងៃពុធ៧រោច ខែពិសាខ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៨ -២៩ ខែឧសភា ឆ្នាំ២០២៤ ឯកឧត្តមបណ្ឌិត ចាន់ ដារ៉ុង រដ្ឋលេខាធិការ និងជានាយកគម្រោង តំណាងដ៏ខ្ពង់ខ្ពស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ រួមជាមួយលោក ផេង សំបូរ ប្រធាននាយកដ្ឋានផែនការ និងទំនាក់ទំនងសាធារណៈ និងជាប្រធានគ្រប់គ្រងគម្រោងកែលម្អការតភ្ជាប់ហេដ្ឋារចនាសម្ព័ន្ធផ្លូវថ្នល់ (RCIP) បានដឹកនាំមន្ត្រីបច្ចេកទេសគម្រោង និងក្រុមទីប្រឹក្សាបច្ចេកទេសរបស់គម្រោង នៃក្រសួងអភិវឌ្ឍន៍ជនបទ ចូលរួមពិនិត្យវឌ្ឍនភាពនៃការអនុវត្តគម្រោងកែលម្អការតភ្ជាប់ហេដ្ឋារចនាសម្ព័ន្ធផ្លូវថ្នល់ (RCIP) ជាមួយក្រុមបេសកកម្មធនាគារពិភពលោក (WB) ដែលដឹកនាំដោយ Mr. Sadig Aliyev, Infrastructure program leader and Task Team Leader នៅក្នុងខេត្តកំពង់ចាម និងខេត្តខេត្តត្បូងឃ្មុំ។

គម្រោងកែលម្អការតភ្ជាប់ហេដ្ឋារចនាសម្ព័ន្ធផ្លូវថ្នល់ ក្នុងខេត្តកំពងចាម មានផ្លូវចំនួន ៧ខ្សែ ប្រវែងសរុប ៧៥,៣ គ.ម វឌ្ឍនភាពគិតត្រឹមបច្ចុប្បន្ន លទ្ធផលសម្រេចបានប្រមាណ ៥៤ % និងខេត្តត្បូងឃ្មុំ បានចុះពិនិត្យខ្សែផ្លូវចំនួន ៣ខ្សែ ក្នុងចំណោមផ្លូវចំនួន ៧ខ្សែ ដែលមានប្រវែងសរុប ៦៧,៦ គ.ម លទ្ធផលសម្រេចបានប្រមាណ ៩ %៕