ឯកឧត្តមបណ្ឌិត ចាន់ ដារ៉ុង ដឹកនាំមន្ត្រីបច្ចេកទេសគម្រោង និងក្រុមទីប្រឹក្សាបច្ចេកទេសរបស់គម្រោង  RCIP នៃក្រសួងអភិវឌ្ឍន៍ជនបទ ចូលកិច្ចប្រជុំជាមួយក្រុមបេសកកម្មធនាគារពិភពលោក (WB)

រាជធានីភ្នំពេញ ៖ នាថ្ងៃចន្ទ ៥រោច ខែពិសាខ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី២៧ ខែឧសភា ឆ្នាំ២០២៤ ឯកឧត្តមបណ្ឌិត ចាន់ ដារ៉ុង រដ្ឋលេខាធិការ និងជានាយកគម្រោងកែលម្អការតភ្ជាប់ហេដ្ឋារចនាសម្ព័ន្ធផ្លូវថ្នល់ (RCIP) តំណាងដ៏ខ្ពង់ខ្ពស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ រួមជាមួយលោក ផេង សំបូរ ប្រធានគ្រប់គ្រងគម្រោង បានដឹកនាំមន្ត្រីបច្ចេកទេសគម្រោង និងក្រុមទីប្រឹក្សាបច្ចេកទេសរបស់គម្រោង  នៃក្រសួងអភិវឌ្ឍន៍ជនបទ ចូលកិច្ចប្រជុំជាមួយក្រុមបេសកកម្មធនាគារពិភពលោក (WB) នៅការិយាល័យរបស់ធនាគារពិភពលោកប្រចាំព្រះរាជាណាចក្រកម្ពុជា ដោយមានការអញ្ជើញចូលរួមពី ឯកឧត្តម ផែង សុវិជ្ជនោ រដ្ឋលេខាធិការ និងជានាយកគម្រោង នៃក្រសួងសាធារណការនិងដឹកជញ្ជូន ព្រមទាំងតំណាងក្រសួងសេដ្ឋកិច្ច និងហិរញ្ញវត្ថុ ដើម្បីពិភាក្សាការងារ ក្នុងក្របខ័ណ្ឌគម្រោងកែលម្អការតភ្ជាប់ហេដ្ឋារចនាសម្ព័ន្ធផ្លូវថ្នល់៕