លោក សំ នីតូ ប្រធានមន្ទីរអភិវឌ្ឍន៍ជនបទខេត្តស្វាយរៀង ចុះពិនិត្យមើលវឌ្ឍនភាព និងសម្របសម្រួលជាមួយប្រជាពលរដ្ឋដោះស្រាយបញ្ហាការងារសាងសង់លូ

ខេត្តស្វាយរៀង៖ នារសៀលថ្ងៃចន្ទ ១៣កើត ខែពិសាខ ឆ្នាំរោង ឆស័ក ព.ស.២៥៦៧ ត្រូវនឹងថ្ងៃទី២០ ខែឧសភា ឆ្នាំ២០២៤ លោក សំ នីតូ ប្រធានមន្ទីរអភិវឌ្ឍន៍ជនបទខេត្តស្វាយរៀង បានចុះសហការជាមួយ សមាជិកក្រុមប្រឹក្សាឃុំបន្ទាយក្រាំង លោកមេភូមិ វិស្វករប្រចាំការដ្ឋាន និងក្រុមហ៊ុនទទួលការសាងសង់ ចុះពិនិត្យមើលវឌ្ឍនភាព និងសម្របសម្រួលជាមួយប្រជាពលរដ្ឋដោះស្រាយបញ្ហាការងារសាងសង់លូ រងរំដោះទឹកបណ្តោយផ្លូវដែលមកភ្ជាប់ផ្លូវជនបទ (SVR8) ដោយក្រាលកៅស៊ូពីរជាន់ប្រភេទ (DBST) និងសំណង់សិល្បការ្យ ចំនួន ០១ខ្សែ ប្រវែង ១៣ ៣៦៨ម៉ែត្រ ចាប់ពីឃុំបន្ទាយក្រាំង ស្រុកកំពង់រោទិ៍ ដល់ឃុំបាសាក់ ស្រុកស្វាយជ្រំ របស់គម្រោងកែលម្អផ្លូវជនបទជំហានទី៣ នៃក្រសួងអភិវឌ្ឍន៍ជនបទ ក្រោមហិរញ្ញប្បទានសម្បទានពីធនាគារអភិវឌ្ឍន៍អាស៊ី (ADB) ដែលអនុវត្តសម្រេចបាន ៥៧,១៩%៕