លោក លន់ សាយតេង ចុះធ្វើការអង្កេត និងផ្ទៀងផ្ទាត់បញ្ចប់ការបន្ទោបង់ពាសវាលពាសកាល (ODF) នៅខេត្តព្រះសីហនុ

ខេត្តព្រះសីហនុ ៖ នាថ្ងៃអង្គារ៧កើត ខែពិសាខ ឆ្នាំរោង ឆស័ក ព.ស.២៥៦៧ ត្រូវនឹងថ្ងៃទី១៤ ខែឧសភា ឆ្នាំ២០២៤ ក្រុមការងារផ្ទៀងផ្ទាត់ ODF ថ្នាក់ជាតិ ដឹកនាំដោយលោក លន់ សាយតេង ប្រធាននាយកដ្ឋានថែទាំសុខភាពជនបទ រួមជាមួយក្រុមការងារ នៃមន្ទីរអភិវឌ្ឍន៍ជនបទខេត្តព្រះសីហនុ លោកនាយករងរដ្ឋបាលសាលាខេត្ត អាជ្ញាធរមូលដ្ឋានស្រុកព្រៃនប់ និងស្រុកស្ទឹងហាវ បានចុះធ្វើការអង្កេត និងផ្ទៀងផ្ទាត់បញ្ចប់ការបន្ទោបង់ពាសវាលពាសកាល (ODF) តាមខ្នងផ្ទះប្រជាពលរដ្ឋ សាលារៀន មណ្ឌលសុខភាព វត្តអារាម និងកន្លែងផ្តល់សេវាសាធារណៈ នានា តាមនីតិវិធីរបស់ក្រុមការងារ ដើម្បីត្រៀមបញ្ចប់ស្រុកទាំងពីរ របស់ខេត្តព្រះសីហនុ ជាស្រុកបញ្ចប់បន្ទោរបង់ពាសវាលពាកាល (ODF)៕