លោក និន ស៊ីណាត អនុប្រធានមន្ទីរអភិវឌ្ឍន៏បទខេត្តពោធិ៍សាត់ ចូលរួមក្នុងធីបើកការដ្ឋានស្ថាបនាស្ពានបេតុងមួយកន្លែងប្រវែង ៧៥ម៉ែត្រ នៅស្រុកកណ្ដៀង

ពោធិ៍សាត់ ៖ នាព្រឹកថ្ងៃចន្ទ ៦កើត ខែពិសាខ ឆ្នាំរោង ឆស័ក ព.ស.២៥៦៧ ត្រូវនឹងថ្ងៃទី១៣ ខែឧសភា ឆ្នាំ២០២៤ លោក និន ស៊ីណាត អនុប្រធានមន្ទីរអភិវឌ្ឍន៏បទខេត្តពោធិ៍សាត់ រួមជាមួយលោក ឃុត ទូច ប្រធានការិយាល័យផ្លូវជនបទ បានចូលរួមក្នុងពិធីបើកការដ្ឋានស្ថាបនាស្ពានបេតុងមួយកន្លែងប្រវែង ៧៥ម៉ែត្រ ទទឹង ៨ម៉ែត្រ ដែលជាស្ពានតភ្ជាប់ពីភូមិព្រៃក្ដី ឃុំកណ្ដៀង ទៅភូមិក្បាលរមាស ឃុំអន្លង់វិល ស្រុកកណ្ដៀង ខេត្តពោធិ៍សាត់ ក្នុងគម្រោងសង្គ្រោះហេដ្ឋារចនាសម្ព័ន្ធដែលខូចខាតដោយសារជំនន់ទឹកភ្លៀងក្នុង ឆ្នាំ២០២៣ អនុវត្តដោយកងវិស្វកម្ម ១៨១ ស្ពាន- ថ្នល់ ។

ពិធីបើកការដ្ឋានស្ថាបនាស្ពាននេះបានប្រព្រឹត្តទៅក្រោមអធិបតីភាពឯកឧត្តម គង់ អៀង អនុរដ្ឋលេខាធិការ ក្រសួងការពារជាតិ ដោយមានការចូលរួមពីសំណាក់ លោក ងួន ប៉ោសេង អភិបាលរង នៃគណៈអភិបាលខេត្តពោធិ៍សាត់ ព្រមទាំងមានការចូលរួមពីលោក អភិបាលស្រុក ក្រុមប្រឹក្សាស្រុក ការិយាល័យនាៗ ជុំវិញស្រុក ព្រមទាំងប្រជាពលរដ្ឋឃុំកណ្តៀ និងឃុំអន្លង់វិល សរុបចំនួន ៥១២នាក់៕