លោកជំទាវ ហូ សុវណ្ណិកា បានដឹកនាំក្រុមការងារចុះជួយឃុំឈានឡើង ចុះពិនិត្យការងារជាក់ស្តែង ការស្តារទំនប់ស្ទាក់ទឹកមួយកន្លែង

ខេត្តកំពង់ឆ្នាំង៖ នារសៀលថ្ងៃព្រហស្បតិ៍ ២កើត ខែពិសាខ ឆ្នាំរោង ឆស័ក ព.ស.២៥៦៧ ត្រូវនឹងថ្ងៃទី៩ ខែឧសភា ឆ្នាំ២០២៤ លោកជំទាវ ហូ សុវណ្ណិកា បានដឹកនាំក្រុមការងារចុះជួយឃុំឈានឡើង ចុះពិនិត្យការងារជាក់ស្តែង ការស្តារទំនប់ស្ទាក់ទឹកមួយកន្លែង ស្ថិតក្នុងភូមិគិរីអភិវឌ្ឍន៍ ឃុំឈានឡេីង ស្រុកសាមគ្គីមានជ័យ និងបានពាំនាំការសួរសុខទុក្ខ ពីសំណាក់ឯកឧត្តមរដ្ឋមន្រ្តី ដល់បងប្អូនកម្មករ ព្រមទាំងមន្ត្រីរាជការនៃក្រសួងធនធានទឹក និងឧតុនិយម ដោយបានផ្តល់ជូននូវគ្រឿងឧបភោគ បរិភោគ ដូចជាមីមួយកេសធំ ទឹកសុទ្ធ នំបុ័ង រួមទាំងថវិកាមួយចំនួន ជូនទៅបងប្អូនកម្មករទាំងអស់ និងក្រុមការងារក្រសួងធនធានទឹក និងឧតុនិយមផងដែរ។