មន្ទីរអភិវឌ្ឍន៍ជនបទខេត្តព្រៃវែង ចុះពិនិត្យស្ថានភាពអណ្តូងទឹកសម្រាប់ប្រើប្រាស់ នៅរដូវរាំងស្ងួតដែលអូសបន្លាយពេលយូរ នៅស្រុកពារាំង

ខេត្តព្រៃវែង ៖ នាថ្ងៃសុក្រ ១០ រោច ខែចេត្រ ឆ្នាំរោង ឆស័ក ព.ស.២៥៦៧ ត្រូវនឹងថ្ងៃទី៣ ខែឧសភា ឆ្នាំ២០២៤ លោក ឡុក វុឌ្ឍី ប្រធានមន្ទីរ និងក្រុមការងារបច្ចេកទេសផ្គត់ផ្គង់ទឹកជនបទ នៃមន្ទីរអភិវឌ្ឍន៍ជនបទខេត្តព្រៃវែង បានចុះពិនិត្យស្ថានភាពអណ្តូងទឹកសម្រាប់ប្រើប្រាស់ នៅរដូវរាំងស្ងួតដែលអូសបន្លាយពេលយូរ នៅឃុំរកា ឃុំព្រៃស្រឡិត និងឃុំកញ្ចំ ស្រុកពារាំង។

ក្រុមការងារបានពិនិត្យឃើញថា នីវ៉ូស្តារទិចទឹកអណ្តូង មានពី ១១ម ទៅ ១៣,៧ម ហើយប្រជាពលរដ្ឋនៅមានទឹកប្រើប្រាស់គ្រប់គ្រាន់ មិនមានបញ្ហាខ្វះទឹកនោះទេ៕