ក្រុមការងារបច្ចេកទេសផ្គត់ផ្គង់ទឹកជនបទ នៃមន្ទីរអភិវឌ្ឍន៍ជនបទខេត្តសៀមរាប ចុះជួសជុលអណ្ដូងស្នប់ និងពិនិត្យអណ្ដូងខួងថ្មី នៅស្រុកវ៉ារិន និងស្រុកស្វាយលើ

ខេត្តសៀមរាប៖ នាថ្ងៃសៅរ៍ ១១រោច ខែចេត្រ ឆ្នាំរោង ឆស័ក ព.ស.២៥៦៧ ត្រូវនឹងថ្ងៃទី០៤ ខែឧសភា ឆ្នាំ២០២៤ លោកទូច ម៉ាឡា ប្រធានមន្ទីរអភិវឌ្ឍន៍ជនបទខេត្តសៀមរាប បានចាត់តាំងលោកប្រធានការិយាល័យផ្គត់ផ្គង់ទឹកជនបទ ព្រមទាំងមន្រ្តីបច្ចេកទេសផ្គត់ផ្គង់ទឹកជនបទ ចុះជួសជុលអណ្តូងស្នប់អាហ្រ្វីដេវ ចំនួន ២អណ្តូង ក្នុងភូមិបាយដុះ ឃុំស្វាយស ស្រុកវ៉ារិន ជាមួយគ្នានេះដែរក្រុមការងារក៏បន្តចុះត្រួតពិនិត្យការងារខួងអណ្តូងស្នប់ថ្មី ចំនួន ២កន្លែង នៅភូមិអភិវឌ្ឍន៍ ឃុំកន្ទួត ស្រុកស្វាយលើ ខេត្តសៀមរាប។

សូមបញ្ជាក់ផងដែរថាស្ថានភាពប្រភពទឹកប្រើប្រាស់បច្ចុប្បន្នរបស់ប្រជាពលរដ្ឋនៅទូទាំងខេត្តសៀមរាប ក៏មិនទាន់មានបញ្ហាប្រឈមពីបញ្ហាខ្វះខាតទឹកស្អាតប្រើប្រាស់របស់ប្រជាពលរដ្ឋនៅឡើយទេ៕