លោក អៀម អឿន ដឹកនាំមន្រ្តីជំនាញការិយាល័យផ្គត់ផ្គង់ទឹកជនបទ ចុះពិនិត្យស្ថានភាពប្រភពទឹកច្រប់កែលំអរ (ជីវសាស្រ្ត) នៅស្រុកបរកែវ និងស្រុកលំផាត់

ខេត្តរតនគិរី៖ នារសៀលថ្ងៃសុក្រ ១០រោច ខែចេត្រ ឆ្នាំរោង ឆស័ក ព.ស.២៥៦៧ ត្រូវនឹងថ្ងៃទី០៣ ខែឧសភា ឆ្នាំ២០២៤ លោក អៀម អឿន ប្រធានមន្ទីរអភិវឌ្ឍន៍ជនបទ ខេត្តរតនគិរី ដឹកនាំមន្រ្តីជំនាញការិយាល័យផ្គត់ផ្គង់ទឹកជនបទ ចុះពិនិត្យស្ថានភាពប្រភពទឹកច្រប់កែលំអរ (ជីវសាស្រ្ត)នៅភូមិប៉ាណល ឃុំទីងចាក់ ស្រុកបរកែវ មានគ្រួសារសរុបរួម ១៣៦គ្រួសារ។

បន្ទាប់មកក្រុមការងារចុះពិនិត្យស្ថានភាពការប្រើប្រាស់ប្រភពទឹក ទឹកស្រះ ទឹកច្រប់ និងប្រព័ន្ឋចែកចាយទឹកសហគមន៍ព្រមទាំងណែនាំដល់ប្រជាពលរដ្ឋពីការប្រើប្រាស់ទឹកដោយមានការសន្សំសំចៃ មានភូមិប៉ាអរ ឃុំលុងឃុង ស្រុកបរកែវ និងភូមិអ៊ុល ឃុំប៉ាតាង ស្រុកលំផាត់ ។
ចំពោះស្ថានភាពទូទៅខេត្តរតនគិរី នៅវេលាម៉ោង ១៤:០២នាទី ខេត្តមានភ្លៀងធ្លាក់នៅភូមិកាតែ ឃុំលំជ័រ ស្រុកអូរយ៉ាដាវ រីឯនៅភូមិលំផាត់ ឃុំជ័យឧត្តម និងឃុំប៉ាតាង ស្រុកលំផាត់ ក៏មានភ្លៀងធ្លាក់ដូចគ្នាដែរ។