លោក ប្លង់ បញ្ញា អនុប្រធានមន្ទីរអភិវឌ្ឍន៍ជនបទ ដឹកនាំក្រុមការងារជួសជុលអណ្ដូងស្នប់ និងពិនិត្យទីតាំងជីកអណ្ដូងជូនប្រជាពលរដ្ឋនៅក្រុងពោធិ៍សាត់ និងស្រុកភ្នំក្រវាញ

ខេត្តពោធិ៍សាត់៖ នាថ្ងៃព្រហស្បតិ៍្ត ៩រោច ខែចេត្រ ឆ្នាំរោង ឆស័ក ព.ស.២៥៦៧ ត្រូវនឹងថ្ងៃទី០២ ខែឧសភា ឆ្នាំ២០២៤ លោក ប្លង់ បញ្ញា អនុប្រធានមន្ទីរអភិវឌ្ឍន៍ជនបទខេត្តពោធិ៍សាត់ និងមន្រ្តីជំនាញ នៃមន្ទីរអភិវឌ្ឍន៍ជនបទខេត្ត បានអញ្ជើញទៅពិនិត្យ និងជួសជុលអណ្ដូងស្នប់ជូនប្រជាពលរដ្ឋបានចំនួន ០៣អណ្ដូង និងបានជ្រើសរើសទីតាំងសម្រាស់សាងសង់អណ្តូងស្នប់បន្ថែមបានចំនួន ៥អណ្តូង នៅក្នុងក្រុងពោធិ៍សាត់ ក្នុនោះមាននៅភូមិព្រៃឱម៉ាល់សង្កាត់រលាប ក្រុងពោធិ៍សាត់ចំនួន ២អណ្ដូង ដែលមានប្រជាពលរដ្ឋប្រើប្រាស់៣០ គ្រួសារ និងនៅភូមិបវង្សសង្កាត់ចំរើនផល ក្រុងពោធិ៍សាត់ បានចំនួន ១អណ្តូង ដែលមានប្រជាពលរដ្ឋប្រើប្រាស់ ១៥គ្រួសារ ។
ជាមួយគ្នានេះក្រុមការងារបានអញ្ជើញទៅជ្រើសរើសទីតាំងសម្រាប់សាងសង់អណ្តូងស្នប់បានចំនួន ៥ អណ្តូង នៅក្នុងតំបន់ដីសម្បទានសង្គមកិច្ច ប៊ុនរ៉ានី សែនជ័យដំណាក់ត្រយឹង ស្ថិតនៅក្នុងភូមិសាយ ឃុំព្រងិល ស្រុកភ្នំក្រវាញ ខេត្តពោធិ៍សាត់ផងដែរ៕