ឯកឧត្តម លី ណារុន រដ្ឋលេខាធិការក្រសួងអភិវឌ្ឍន៍ជនបទ ដើម្បីពិភាក្សាពីទិន្នន័យជាក់ស្តែង និងរកដំណោះស្រាយជូនប្រជាពលរដ្ឋក្នុងការប្រើប្រាស់ទឹកឲ្យបានគ្រប់គ្រាន់សម្រាប់ឃុំទាំង១០ ក្នុងស្រុកសន្ទុក ខេត្តកំពង់ធំ

ខេត្តកំពង់ធំ÷ នារសៀលថ្ងៃពុធ ៨ រោច ខែចេត្រ ឆ្នាំរោង ឆស័ក ព.ស. ២៥៦៧ ត្រូវនឹងថ្ងៃទី១ ខែឧសភា ឆ្នាំ២០២៤ នៅសាលាស្រុកសន្ទុក មានកិច្ចប្រជុំស្តីពីគ្រោះរាំងស្ងួត ក្រោមអធិបតីភាពឯកឧត្តម លី ណារុន រដ្ឋលេខាធិការក្រសួងអភិវឌ្ឍន៍ជនបទ ដើម្បីពិភាក្សាពីទិន្នន័យជាក់ស្តែង និងរកដំណោះស្រាយជូនប្រជាពលរដ្ឋក្នុងការប្រើប្រាស់ទឹកឲ្យបានគ្រប់គ្រាន់សម្រាប់ឃុំទាំង១០នៃស្រុកសន្ទុក ដោយមានការចូលរួមពីសំណាក់ លោក តាន់ វាសនា ប្រធានមន្ទីរអភិវឌ្ឍន៍ជនបទស្តីទី មន្ត្រីបច្ចេកទេស អភិបាលរងនៃគណៈភិបាលស្រុក មន្រ្តីរដ្ឋបាលស្រុក ព្រមទាំងលោកមេឃុំគ្រប់ឃុំ។

បន្ទាប់ពីកិច្ចប្រជុំបានបញ្ចប់ ឯកឧត្តម លី ណារុន បានដឹកនាំក្រុមការងារចុះពិនិត្យ បឹងបន្ទាយ ស្ថិតនៅឃុំព្នៅ ដែលបានរីងស្ងួតដោយគ្រោះធម្មជាតិ ប្រជាពលរដ្ឋក្នុងឃុំតែងតែទាញយកទឹកក្នុងបឹងនេះសម្រាប់ការដាំដំណាំ និងបន្លែបង្ការ។

សូមបញ្ជាក់ថាក្នុងស្រុកសន្ទុកការប្រើប្រាស់ទឹកជាប្រចាំថ្ងៃរបស់ប្រជាពលរដ្ឋនៅប្រើប្រាស់បានជាធម្មតា។