លោក សុខ សុវណ្ណរតនា អនុប្រធានមន្ទីរអភិវឌ្ឍន៍ជនបទខេត្តប៉ៃលិន ដឹកនាំក្រុមការងារបច្ចេកទេស ចុះពិនិត្យ និងជួសជុលអណ្តូងស្នប់

ខេត្តប៉ៃលិន៖ នាថ្ងៃអង្គារ ៧រោច ខែចេត្រ ឆ្នាំរោង ឆស័ក ព.ស.២៥៦៧ ត្រូវនឹងថ្ងៃទី៣០ ខែមេសា ឆ្នាំ២០២៤ លោក សុខ សុវណ្ណរតនា អនុប្រធានមន្ទីរអភិវឌ្ឍន៍ជនបទខេត្តប៉ៃលិន អញ្ជើញដឹកនាំក្រុមការងារបច្ចេកទេស ចុះពិនិត្យ និងជួសជុលអណ្តូងស្នប់ បានចំនួន ០៣ អណ្តូង ដែលស្ថិតនៅភូមិភ្នំព្រាល ០២អណ្តូង ,និងនៅអន្លង់រក្សា ០១អណ្តូង ក្នុងឃុំស្ទឹងត្រង់ ស្រុកសាលាក្រៅ ខេត្តប៉ៃលិន។

គួរបញ្ជាក់ផងដែរថា មន្ទីរអភិវឌ្ឍន៍ជនបទខេត្តប៉ៃលិន បានអនុវត្តតាមសេចក្តីណែនាំ ស្តីពី វិធានការ និងកិច្ចអន្តរាគមន៍លើការខ្វះខាតទឹកប្រើប្រាស់ និងទឹកបរិភោគ ដោយសារកត្តាប្រែប្រួលធាតុអាកាស ដើម្បីរួមចំណែកយកចិត្តទុកដាក់ខ្ពស់ចំពោះការខ្វះខាតទឹកប្រើប្រាស់របស់ប្រជាជនទូទាំងប្រទេស៕