លោក តាន់ វាសនា ប្រធានមន្ទីរស្តីទី បានចូលរួមប្រជុំផ្សព្វផ្សាយលើការខ្វះខាតទឹកប្រើប្រាស់ និងទឹកបរិភោគ ដោយសារកត្តាប្រែប្រួលអាកាសធាតុ

ខេត្តកំពង់ធំ៖ នារសៀលថ្ងៃសុក្រ ៣រោច ខែចេត្រ ឆ្នាំរោង ឆស័ក ព.ស.២៥៦៧ ត្រូវនឹងថ្ងៃទី២៦ ខែមេសា ឆ្នាំ២០២៤ លោក តាន់ វាសនា ប្រធានមន្ទីរស្តីទី និងមន្ត្រីបច្ចេកទេសផ្គត់ផ្គង់ទឹកជនបទ បានចូលរួមប្រជុំផ្សព្វផ្សាយលើការខ្វះខាតទឹកប្រើប្រាស់ និងទឹកបរិភោគ ដោយសារកត្តាប្រែប្រួលអាកាសធាតុ ជាមួយអភិបាលស្រុកស្ទោង ព្រមទាំងមេឃុំទាំង១៣ ដើម្បីឱ្យពួកគាត់ធ្វើរបាយការណ៍សង្ខេបតាមឃុំគោលដៅ ដោយសារឃុំនីមួយៗនៅឆ្ងាយពីគ្នា និងងាយស្រួលដល់ក្រុមការងារមន្ទីរ ដាក់ផែនការ និងទិសដៅចុះពិនិត្យឱ្យបានលម្អិត។

បន្ទាប់ពីបញ្ចប់កិច្ចប្រជុំក្រុមការងារមន្ទីរ រួមជាមួយក្រុមការងារស្រុក ឃុំ បានចុះពិនិត្យលើស្ថានភាពអណ្ដូងលូនៅឃុំព្រះដំរី ដែលបានរីងអស់ទឹកនៅរដូវប្រាំងនេះ៕