ឯកឧត្តម ឈឹម សៅគី ប្រធានក្រុមប្រឹក្សាភិបាល អញ្ជើញដឹកនាំកិច្ចប្រជុំលើកដំបូងក្រុមប្រឹក្សាភិបាលសមាគមសង្គហមិត្ត ក្រសួងអភិវឌ្ឍន៍ជនបទ

រាជធានីភ្នំពេញ៖ នាព្រឹកថ្ងៃសុក្រ ១១កើត ខែចេត្រ ឆ្នាំរោង ឆស័ក ព.ស.២៥៦៧ ត្រូវនឹងថ្ងៃទី១៩ ខែមេសា ឆ្នាំ២០២៤ ឯកឧត្តម ឈឹម សៅគី រដ្ឋលេខាធិការប្រចាំការ និងជាប្រធានក្រុមប្រឹក្សាភិបាល សមាគមសង្គហមិត្ត តំណាងដ៏ខ្ពង់ខ្ពស់ ឯកឧត្ដម ឆាយ ឫទ្ធិសែន រដ្ឋមន្ដ្រីក្រសួងអភិវឌ្ឍន៍ជនបទ  បានអញ្ជើញដឹកនាំកិច្ចប្រជុំក្រុមប្រឹក្សាភិបាលសមាគមលើកដំបូង ដោយមានការចូលរួមពីសំណាក់ ឯកឧត្តមអនុប្រធាន ឯកឧត្តម អស់លោកជាសមាជិកក្រុមប្រឹក្សាភិបាល ប្រធាន អនុប្រធាន សមាជិកប្រតិបត្តិសមាគម។

នៅក្នុងកិច្ចប្រជុំនេះ ឯកឧត្តមប្រធានអង្គប្រជុំ បានធ្វើការចង្អុលបង្ហាញដល់គណៈកម្មការប្រតិបត្តិ ឱ្យរៀបចំនីតិវិធីការងារដើម្បីដំណើរការការងាររបស់សមាគម ជាពិសេសការត្រៀមដើម្បីរៀបចំកិច្ចប្រជុំសាមញ្ញលើកដំបូងរបស់សមាគម៕