![ឯកឧត្តម ម៉ា សុវណ្ណា បានដឹកនាំកិច្ចប្រជុំក្រុមលេខាធិការដ្ឋានរៀបចំគោល នយោបាយជាតិអភិវឌ្ឍន៍ជនបទឆ្នាំ២០២៥-២០៣៨ 9 photo 2024 07 25 18 10 55 2](https://www.mrd.gov.kh/wp-content/uploads/2024/07/photo_2024-07-25_18-10-55-2-150x150.jpg)
លោក រស់ នឿន អញ្ជើញដឹកនាំកិច្ចប្រជុំស្តីពី វឌ្ឍនភាពប្រចាំត្រីមាសទី១ ឆ្នាំ២០២៤ របស់ក្រុមការងារ PTWG-PLN
- ថ្ងៃទី៧ ខែមេសា ឆ្នាំ២០២៤ ម៉ោង ៨:០០ ព្រឹក
- សកម្មភាពក្រសួង
![លោក រស់ នឿន អញ្ជើញដឹកនាំកិច្ចប្រជុំស្តីពី វឌ្ឍនភាពប្រចាំត្រីមាសទី១ ឆ្នាំ២០២៤ របស់ក្រុមការងារ PTWG-PLN 2 photo 2024 04 04 21 45 12 2](https://www.mrd.gov.kh/wp-content/uploads/2024/04/photo_2024-04-04_21-45-12-2-1000x638.jpg)
ខេត្តប៉ៃលិន៖ នៅថ្ងៃព្រហស្បតិ៍ ១១រោច ខែផល្គុន ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី០៤ ខែមេសា ឆ្នាំ២០២៤ លោក រស់ នឿន អភិបាលរងនៃគណៈអភិបាលខេត្តប៉ៃលិន និងជាប្រធានក្រុមការងារបច្ចេកទេសវិស័យផ្គត់ផ្គង់ទឹកស្អាត និងអនាម័យជនបទខេត្ត បានដឹកនាំកិច្ចប្រជុំស្តីពី វឌ្ឍនភាពប្រចាំត្រីមាសទី១ ឆ្នាំ២០២៤ របស់ក្រុមការងារ PTWG-PLN ដោយមានការចូលរួមពីលោក សុខ គន្ធា អនុប្រធាននាយកដ្ឋានផ្គត់ផ្គង់ទឹកជនបទ លោក សុខ សុវណ្ណរតនា អនុប្រធានមន្ទីរអភិវឌ្ឍន៍ជនបទខេត្ត និងជាអនុប្រធានលេខាធិការដ្ឋាន PTWG-PLN និងលោក លោកស្រី អនុប្រធានមន្ទីរពាក់ព័ន្ធជុំវិញខេត្ត អភិបាលរងក្រុងស្រុក សមាជិក សមាជិការ PTWG សរុបចំនួន ៤៤នាក់ ស្រ្តី ១៤ នាក់ នាសាលប្រជុំមន្ទីរអភិវឌ្ឍន៍ជនបទខេត្តប៉ៃលិន។
អនុសាសន៍ និងលទ្ធផលនៃកិច្ចប្រជុំ:
១.អត្រាគ្របដណ្តប់ទូទាំងខេត្តនៃការប្រើប្រាស់ទឹកស្អាត៧៥%។
២.អត្រាគ្របដណ្តប់ទូទាំងខេត្តនៃអនាម័យ៨៥%
៣.ស្នើសុំអង្គការសាម៉ារីតាន់ភឺស អង្គការទឹកស្អាត១០០១ ជួយគាំទ្រលើផែនការអនុវត្តបន្តរបស់ក្រុមការងារPTWG-PLN
៤.ស្នើសុំមន្ទីរ អាជ្ញាធរគ្រប់ថ្នាក់ ត្រូវយកចិត្តទុកដាក់ រៀបចំឯកសារពាក់ព័ន្ធសម្រាប់ការពិនិត្យវាយតម្លៃODFពីក្រុមការងារ
៥.ស្នើសុំរដ្ឋបាលក្រុងស្រុក ឃុំសង្កាត់ និងអ្នកពាក់ព័ន្ធធ្វើការអប់រំផ្សព្វផ្សាយ ជម្រុញដល់ប្រជាពលរដ្ឋនៅជនបទលើការសាងសង់ប្រើប្រាស់បង្គន់ និងការប្រើប្រាស់ទឹកស្អាត
៦.សូមរក្សាការពារ ថែទាំសុខភាពទាំងអស់គ្នា ដោយបច្ចុប្បន្ននៃប្រទេសយើងទទួលរងនូវបាតុភូតរលកកំដៅ(៣៩°-៤០°)៕