ឯកឧត្តម ប៉ា សុខុម អញ្ជើញដឹកនាំអង្គប្រជុំ ផ្សព្វផ្សាយលទ្ធផលសន្និបាតបូកសរុបការងារឆ្នាំ២០២៣ និងលើកទិសដៅការងារឆ្នាំ២០២៤ របស់ក្រសួងអភិវឌ្ឍន៍ជនបទ

ខេត្តកំពង់ឆ្នាំង៖ នាព្រឹកថ្ងៃសុក្រ ៥រោច ខែផល្គុន ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២៩ ខែមីនា ឆ្នាំ២០២៤ ឯកឧត្តម ប៉ា សុខុម អនុរដ្ឋលេខាធិការ បានអញ្ជើញដឹកនាំអង្គប្រជុំដើម្បី ផ្សព្វផ្សាយលទ្ធផលសន្និបាតបូកសរុបលទ្ធផលការងារឆ្នាំ២០២៣ និងលើកទិសដៅការងារឆ្នាំ២០២៤ របស់ក្រសួងអភិវឌ្ឍន៍ជនបទ ព្រមទាំងពាំនាំនូវអនុសាសន៍ទាំង ១៣ ចំណុច របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ដែលសម្តេចបានថ្លែងក្នុងឱកាសបិទសន្និបាតបូកសរុបលទ្ធផលការងារឆ្នាំ២០២៣ និងលើកទិសដៅការងារឆ្នាំ២០២៤ របស់ក្រសួងអភិវឌ្ឍន៍ជនបទ កាលពីថ្ងៃទី ២០ ខែ មីនា ឆ្នាំ ២០២៤។

 

កិច្ចប្រជុំនេះ បានប្រព្រឹត្តទៅនៅសាលប្រជុំក្នុងសាលាខេត្តកំពង់ឆ្នាំង ដោយមានសមាសភាពចូលរួមពីតំណាងគ្រប់មន្ទីរជំនាញ តំណាងគ្រប់រដ្ឋបាលក្រុង-ស្រុក ថ្នាក់ដឹកនាំ និងមន្ត្រីរាជការ នៃមន្ទីរអភិវឌ្ឍន៍ជនបទខេត្ត និងដៃគូអភិវឌ្ឍន៍ សរុបចំនួន ៩២នាក់ ស្រ្តី ១៦ នាក់៕

Share your thoughts