ឃុំគោកខ្ពស់ ត្រូវបានប្រកាសជាឃុំបញ្ចប់ការបន្ទោបង់ពាសវាលពាសកាល

ខេត្តឧត្តរមានជ័យ៖ នាព្រឹកថ្ងៃព្រហស្បតិ៍ ៤រោច ខែផល្គុន ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២៨ ខែមីនា ឆ្នាំ២០២៤  នៅបរិវេណសាលាឃុំគោកខ្ពស់ ស្រុកបន្ទាយអំពិល លោក ហេង សុខអេង ប្រធានមន្ទីរអភិវឌ្ឍន៍ជនបទខេត្តឧត្តរមានជ័យ បាន រៀបចំពិធីអបអរសាទរប្រគល់វិញ្ញាបនបត្រជូនឃុំគោកខ្ពស់ ជាឃុំបញ្ចប់ការបន្ទោបង់ពាសវាលពាសកាល (ODF) ដោយមានការចូលរួមពីលោកប្រធានក្រុមប្រឹក្សាស្រុក លោកអភិបាលរងស្រុក  លោកមេឃុំ កងកម្លាំងទាំងបីប្រភេទ ប្រធានមណ្ឌលសុខភាព លោកប្រធានអង្គការ CIDO តំណាងអង្គការ FH-Cambodia លោកមេភូមិ  លោកគ្រូ អ្នកគ្រូ សិស្សានុសិស្ស និងប្រជាពលរដ្ឋ ជាច្រើននាក់៕