![ឯកឧត្ដម ហួត សារឹម ប្រគេនទៀនវស្សា និងជូនអំណោយ ដល់ប្រជាពលរដ្ឋមានជីវភាពខ្វះខាតនៅ ស្រុកដំណាក់ចង្អើរ 10 photo 2024 07 26 12 38 10](https://www.mrd.gov.kh/wp-content/uploads/2024/07/photo_2024-07-26_12-38-10-150x150.jpg)
ឯកឧត្ដមបណ្ឌិត ចាន់ ដារ៉ុង អញ្ជើញទៅពិនិត្យ និងវាយតម្លៃបញ្ចប់សុពលភាពលើការងារស្ថាបនាផ្លូវក្រាលល្បាយ ក្រួសចំនួន ១ខ្សែ នៅ ខេត្តព្រះវិហារ
- ថ្ងៃទី២៦ ខែមិនា ឆ្នាំ២០២៤ ម៉ោង ៦:០០ ព្រឹក
- សកម្មភាពក្រសួង
![ឯកឧត្ដមបណ្ឌិត ចាន់ ដារ៉ុង អញ្ជើញទៅពិនិត្យ និងវាយតម្លៃបញ្ចប់សុពលភាពលើការងារស្ថាបនាផ្លូវក្រាលល្បាយ ក្រួសចំនួន ១ខ្សែ នៅ ខេត្តព្រះវិហារ 2 photo 2024 03 25 13 59 57](https://www.mrd.gov.kh/wp-content/uploads/2024/03/photo_2024-03-25_13-59-57-1000x750.jpg)
ខេត្តព្រះវិហារ ៖ នាព្រឹកថ្ងៃចន្ទ ១រោច ខែផល្គុន ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី២៥ ខែមីនា ឆ្នាំ២០២៤ ឯកឧត្ដមបណ្ឌិត ចាន់ ដារ៉ុង រដ្ឋលេខាធិការតំណាងដ៏ខ្ពង់ខ្ពស់ ឯកឧត្ដម ឆាយ ប្ញទ្ធិសែន រដ្ឋមន្រ្ដីក្រសួងអភិវឌ្ឍន៍ជនបទ បានដឹកនាំគណ:កម្មការអន្តរក្រសួង រួមមានតំណាងក្រសួងអភិវឌ្ឍន៍ជនបទ និងក្រសួងសេដ្ឋកិច្ច និងហិរញ្ញវត្ថុ អញ្ជើញទៅពិនិត្យ និងវាយតម្លៃបញ្ចប់សុពលភាពលើការងារស្ថាបនាផ្លូវក្រាលល្បាយ ក្រួសចំនួន ១ខ្សែ ប្រវែង ៧ ០០០ ម៉ែត្រ ទទឹង ៨ម៉ែត្រ កម្រាស់ ០,២ ម៉ែត្រ លូប្រអប់ចំនួន ១កន្លែង លូមូលមុខពីរចំនួន ១កន្លែង និងលូមូលមុខមួយចំនួន ៤កន្លែង តភ្ជាប់ពីភូមិគុណភាព ទៅភូមិណារ៉ុង និងភូមិដងផ្លិត ឃុំឆែបពីរ ស្រុកឆែប ខេត្តព្រះវិហារ ដែលអនុវត្តន៍ដោយនាយកដ្ឋានវិស្វកម្ម ក្រសួងការពារជាតិ។
បន្ទាប់ពីបានធ្វើការពិនិត្យជាក់ស្តែងទាំងគុណភាព និងសោភ័ណ្ឌភាពរួចមក និងយោងតាមស្មារតីអង្គប្រជុំ គណៈកម្មការអន្តរក្រសួង បានសម្រេចឯកភាពទទួលយកលទ្ធផលការងារស្ថាបនាផ្លូវខាងលើ ដោយបញ្ចប់រយៈពេលធានាសុពលភាពជាស្ថាពរ៕