ឯកឧត្តម ជី ស៊ីថា ដឹកនាំប្រតិភូក្រសួងគោរពវិញ្ញាណក្ខន្ធសពឧបាសិកា ចាប សុភាព ត្រូវជាម្ដាយបង្កើតរបស់លោកស្រី ស៊ឹម វលក្ខណ៍ អគ្គនាយករងក្រសួង​អភិវឌ្ឍន៍ជនបទ

ភ្នំពេញ ៖ នារសៀលថ្ងៃសុក្រ ៦កើត ខែផល្គុន  ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១៥ ខែមីនា ឆ្នាំ២០២៤ ឯកឧត្តម ជី ស៊ីថា រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានអញ្ជើញដឹកនាំប្រតិភូក្រសួងចូលរួមគោរពវិញ្ញាណក្ខន្ធសពឧបាសិកា ចាប សុភាព ដែលត្រូវជាម្ដាយបង្កើតរបស់លោកស្រី ស៊ឹម វលក្ខណ៍ អគ្គនាយករង នៃអគ្គនាយកដ្ឋានបច្ចេកទេសក្រសួង​អភិវឌ្ឍន៍ជនបទ នៅវត្តនិរោធរង្សី សង្កាត់និរោធ ខណ្ឌច្បារអំពៅ រាជធានីភ្នំពេញ ដែលបានទទួលអនិច្ចកម្ម កាលពីថ្ងៃពុធ ៤កើត ខែផល្គុន ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១៣ ខែមីនា ឆ្នាំ២០២៤ ក្នុងព្រះជន្មាយុ ៦១ឆ្នាំ ដោយរោគាពាធ ។

សូមឧទ្ទិសកុសលដល់ដួងវិញ្ញាណក្ខន្ធរបស់ឧបាសិកា ចាប សុភាព បានទៅកាន់ឋានបរមសុខជានិច្ចនិរន្តរ៍កុំបីឃ្លៀង ឃ្លាតឡើយ៕