លោក កុយ ណាត និងលោក ងី ផាន្នី ដឹកនាំកិច្ចប្រជុំពេញអង្គ ស្តីពីការវាយតម្លៃកំណត់អត្តសញ្ញាណសហគមន៍ជនជាតិដើមភាគតិចព័រ ចំនួន ០២ភូមិ

ខេត្តពោធិ៍សាត់៖ នៅថ្ងៃអង្គារ-ពុធ ៣-៤កើត  ខែផល្គុន ឆ្នាំថោះ បញ្ចស័ក ព.ស.២៥៦៧ ត្រូវថ្ងៃទី១២-១៣ ខែមីនា ឆ្នាំ២០២៤ លោក កុយ ណាត និងលោក ងី ផាន្នី អនុប្រធាននាយកដ្ឋានអភិវឌ្ឍន៍ជនជាតិភាគតិច បានដឹកនាំកិច្ចប្រជុំពេញអង្គ ស្តីពីការវាយតម្លៃកំណត់អត្តសញ្ញាណសហគមន៍ជនជាតិដើមភាគតិចព័រ ចំនួន ០២ភូមិ មានភូមិស្ទឹងថ្មី(មុងរី)  និងភូមិឈើទាលជ្រុំ ឃុំប្រម៉ោយ ស្រុកវាលវែង ខេត្តពោធិ៍សាត់  ដែលសមាសភាពចូលរួមមាន៖ ក្រុមការងារនាយកដ្ឋាន តំណាងសាលាខេត្ត លោកស្រីប្រធានការិយាល័យ អនុប្រធានការិយាល័យ មន្ទីរអភិវឌ្ឍន៍ជនបទខេត្តពោធិ៍សាត់ លោកមេឃុំ  មេភូមិទាំង២ភូមិ និងបងប្អូនជនជាតិដើមភាគតិច ភូមិស្ទឹងថ្មី(មុងរី)  សរុបចំនួន១៣០ នាក់/ស្រី៦៩នាក់ និងភូមិឈើទាលជ្រុំ សរុបចំនួន៤០នាក់ /ស្រី២២ នាក់។

 

ជាលទ្ធផល បងប្អូនជនជាតិដើមភាគតិច ព័រ ដែលរស់នៅភូមិទាំង២ ទទួលបាន៖

 

-ប្រជាពលរដ្ឋទាំង ២ភូមិ បានស្រុះស្រួល  និងឯកភាពគ្នាថាខ្លួនពិតជាជនជាតិដើមភាគតិចព័រ

 

-បងប្អូនជនជាតិដើមភាគតិច ព័រ បានស្រុះស្រួលគ្នាក្នុងការបង្កើតជាសហគមន៍ជនជាតិដើមភាគតិច

 

-បងប្អូនជនជាតិដើមភាគតិច ព័រ បានដាក់ពាក្យស្នើសុំចូលជាសមាជិកសហគមន៍រួចហើយ៕

Share your thoughts