ឯកឧត្តម សួន សេរីរដ្ឋា រដ្ឋលេខាធិការ អញ្ជើញដឹកនាំកិច្ចប្រជុំ  ពង្រឹងការអនុវត្តផែនការសកម្មភាព និងផែនការថវិកា លើការងារអភិវឌ្ឍន៍ និងអភិរក្សជនជាតិដើមភាគតិច នៅមន្ទីរអភិវឌ្ឍន៍ជនបទខេត្តកំពង់ស្ពឺ

ខេត្តកំពង់ស្ពឺ៖ នាព្រឹកថ្ងៃចន្ទ  ៩រោច ខែមាឃ   ឆ្នាំថោះ  បញ្ចសក័ ព.ស.២៥៦៧ ត្រូវនឹងថ្ងៃទី០៤ ខែមីនា ឆ្នាំ២០២៤ ឯកឧត្តម សួន សេរីរដ្ឋា រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ អញ្ជើញចូលរួមដោយ   ឯកឧត្តម សុត សឿង អនុរដ្ឋលេខាធិការ បានដឹកនាំកិច្ចប្រជុំ  ពង្រឹងការអនុវត្តផែនការសកម្មភាព និងផែនការថវិកា លើការងារអភិវឌ្ឍន៍ និងអភិរក្សជនជាតិដើមភាគតិច នៅមន្ទីរអភិវឌ្ឍន៍ជនបទខេត្តកំពង់ស្ពឺ។

អញ្ជើញចូលរួមក្នុងកិច្ចប្រជុំ រួមមាន លោក សំ រដ្ឋា អគ្គនាយករង រដ្ឋបាល និងហិរញ្ញវត្ថុ, ក្រុមការងារ នាយកដ្ឋានអភិវឌ្ឍន៍ជនជាតិភាគតិច, លោកប្រធានមន្ទីរ, ថ្នាក់ដឹកនាំ និងមន្ត្រីរាជការនៃមន្ទីរអភិវឌ្ឍន៍ជនបទខេត្តកំពង់ស្ពឺ សរុប ២៦រូប ស្រី ០៧រូប៕