ក្រុមការងារបច្ចេកទេស នៃការិយាល័យផ្លូវជនបទ មន្ទីរអភិវឌ្ឍន៍ជនបទខេត្តរតនគិរី បានចុះស្រង់ទិន្នន័យស្ពានដែកបាឡេ ចំនួន ៤ កន្លែង
ខេត្តរតនគិរី៖ នៅថ្ងៃចន្ទ ២រោច ខែមាឃ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២៦ ខែកុម្ភៈ ឆ្នាំ២០២៤ ក្រុមការងារបច្ចេកទេស នៃការិយាល័យផ្លូវជនបទ មន្ទីរអភិវឌ្ឍន៍ជនបទខេត្តរតនគិរី បានចុះស្រង់ទិន្នន័យស្ពានដែកបាឡេ ចំនួន ៤ កន្លែង រួមមានស្ពានទី១ មានប្រវែងសរុប ៥៧ម៉ែត្រ ស្ថិតនៅ ឃុំ ជ័យឧត្ដម្ភ ស្រុកលំផាត និងស្ពានទី ២ ទី៣ និងទី៤ មានប្រវែងសរុប ៦២ម៉ែត្រ ដូចគ្នា ស្ថិតក្នុងឃុំមាលិក ស្រុកអណ្តូងមាស។
ការចុះសិក្សា និងស្រង់ទិន្នន័យស្ពានបេឡេនេះ ដើម្បីធ្វើបច្ចុប្បភាពចំនួនស្ពានដែកបេឡេ និងស្ថានភាពស្ពាន ដែលស្ថាបនាដោយក្រសួងអភិវឌ្ឍន៍ជនបទ៕
