អណ្ដូងស្នប់អាហ្វ្រីដេវ ចំនួន៥ នឹងត្រូវដាក់ដំឡើងជូនប្រជាពលរដ្ឋ នៅខេត្តត្បូងឃ្មុំ

ខេត្តត្បូងឃ្មុំ៖ ថ្ងៃសុក្រ ៨រោច ខែបុស្ស ឆ្នាំថោះ បញ្ចស័ក ព.ស. ២៥៦៧ ត្រូវនឹងថ្ងៃទី២ ខែកុម្ភៈ ឆ្នាំ២០២៤ លោក អាន ស៊ីណា ប្រធានមន្ទីរអភិវឌ្ឍន៍ជនបទខេត្តត្បូងឃ្មុំ បានដឹកនាំមន្ត្រីជំនាញនៃការិយាល័យផ្គត់ផ្គង់ទឹកជនបទ ចុះត្រួតពិនិត្យទីតាំងដើម្បីដាក់ដំឡើង ក្បាលស្នប់អណ្ដូងអាហ្វ្រីដេវជូនប្រជាពលរដ្ឋចំនួន ០៥អណ្ដូង រួមមាន:

-ភូមិស្ទឹងរាង ភូមិព្រំខេត្ត ឃុំគងជ័យ ស្រុកអូររាំងឪ ចំនួន ០២អណ្ដូង

-ភូមិខ្នាចក្រសាំង ភូមិជីគរ ឃុំជីគរ ស្រុកត្បូងឃ្មុំ ចំនួន ០២អណ្ដូង

-ភូមិរូង ឃុំអញ្ចើម ស្រុកត្បូងឃ្មុំ ចំនួន ០១អណ្ដូង។

ការដំឡើងអណ្ដូងស្នប់អាហ្រ្វីដេវនេះ មោងចូលរួមចំណែកជួយដល់ប្រជាពលរដ្ឋនៅមូលដ្ឋានឱ្យទទួលបានទឹកស្អាតសម្រាប់ពិសារ  និងប្រើប្រាស់ប្រចាំថ្ងៃ និងជួយកាត់បន្ថយការចំណាយក្នុងការទិញទឹកស្អាតពីខាងក្រៅផងដែរ៕