ឯកឧត្តម សាន វិសាល ចុះពិនិត្យ វាយតម្លៃ នូវខ្សែផ្លូវថែទាំជាលក្ខណៈប្រចាំនៅខេត្តព្រះវិហារ

ខេត្តព្រះវិហារ៖ នៅព្រឹកថ្ងៃព្រហស្បតិ៍ ១០រោច ខែកត្តិក ឆ្នាំថោះ បញ្ចស័ក ព.ស. ២៥៦៧ ត្រូវនឹង ថ្ងៃទី០៧ ខែធ្នូ ឆ្នាំ២០២៣ ឯកឧត្តម សាន វិសាល រដ្ឋលេខាធិការក្រសួងអភិវឌ្ឍន៍ជនបទ អញ្ជើញដឹកនាំគណៈកម្មការអន្តរក្រសួងអភិវឌ្ឍន៍ជនបទ និងក្រសួងសេដ្ឋកិច្ច និងហិរញ្ញវត្ថុ អមដំណើរដោយ លោកម៉ប់ ធីរិត ប្រធានមន្ទីរអភិវឌ្ឍន៍ជនបទ រួមទាំងមន្រ្តីការិយាល័យផ្លូវជនបទ នៃមន្ទីរអភិវឌ្ឍន៍ជនបទខេត្តព្រះវិហារ បានចុះពិនិត្យ វាយតម្លៃ នូវខ្សែផ្លូវថែទាំជាលក្ខណៈប្រចាំកម្រាលល្បាយក្រួសចំនួន ៦ ខ្សែ ប្រវែងសរុប ៩២ គ.ម (ស្រុករវៀង ២ ខ្សែប្រវែង ២២ គ.ម, ស្រុកត្បែងមានជ័យ ១ ខ្សែប្រវែង ២៥ គ.ម, ស្រុកជាំក្សាន្ត ១ ខ្សែប្រវែង ២៤ គ.ម, ស្រុកគូលែន ១ ខ្សែប្រវែង ១០ គ.ម និងស្រុកសង្គមថ្មី ១ ខ្សែប្រវែងវែង ១១ គ.ម)។

 

ជាលទ្ធផលក្រោយពីបានចុះត្រួតពិនិត្យ និងវាយតម្លៃជាក់ស្តែងលើខ្សែផ្លូវទាំង ០៦ ខ្សែ ប្រវែងសរុប ៩២ គ.ម គណៈកម្មការអន្តរក្រសួងបានឯកភាពទទួលយកលទ្ធផល ១០០ % លើការងារថែទាំផ្លូវលក្ខណៈប្រចាំឆ្នាំ ២០២៣ ដែលអនុវត្តដោយមន្ទីរអភិវឌ្ឍន៍ជនបទខេត្តព្រះវិហារ។

Share your thoughts