ឯកឧត្តម​ ផូ​ ផារិទ្ធ​ រដ្ឋលេខាធិការ បានដឹកនាំគណៈកម្មាធិការអន្តរក្រសួង ចុះត្រួតពិនិត្យ និងវាយតម្លៃលេីការងារថែទាំជាប្រចាំផ្លូវក្រាលល្បាយថ្មភ្នំ​ និងក្រួសក្រហមចំនួន​ ៥ខ្សែ​ ប្រវែងសរុប​ ៦៣​ ៦០០ម​ ក្នុងខេត្តបាត់ដំបង​

ខេត្តបាត់ដំបង ៖ ថ្ងៃសុក្រ​ ៤រោច ខែកត្តិក​ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១ ខែធ្នូ​ ឆ្នាំ ២០២៣ ឯកឧត្តម​ ផូ​ ផារិទ្ធ​ រដ្ឋលេខាធិការ តំណាងដ៏ខ្ពង់ខ្ពស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានដឹកនាំគណៈកម្មាធិការអន្តរក្រសួង រួមមានក្រសួងអភិវឌ្ឍន៍ជនបទ និងក្រសួងសេដ្ឋកិច្ច និងហិរញ្ញវត្ថុ ដើម្បីចុះត្រួតពិនិត្យ និងវាយតម្លៃលេីការងារថែទាំជាប្រចាំផ្លូវក្រាលល្បាយថ្មភ្នំ​ និងក្រួសក្រហមចំនួន​ ៥ខ្សែ​ ប្រវែងសរុប​ ៦៣​ ៦០០ម​ មានភូមិសាស្រ្តស្ថិតក្នុងឃុំតាសាញ​ ឃុំបារាំងធ្លាក់​ ឃុំត្រាង​ ឃុំអូរដា​ ស្រុកសំឡូត​ ស្រុកភ្នំព្រឹក​ ស្រុកកំរៀង​ ខេត្តបាត់ដំបង​ ដែលអនុវត្តដោយមន្ទីរអភិវឌ្ឍន៍ជនបទខេត្តបាត់ដំបង។

ជាលទ្ធផល​គណៈកម្មការអន្តរក្រសួង​ បានណែនាំឲ្យអ្នកទទួលការ កិនបង្ហាប់បន្ថែមកន្លែងមួយចំនួន​ និងតាមដាន​ ថែទាំជាប្រចាំអោយបានល្អ​។