រដ្ឋមន្ត្រីក្រសួងអភិវឌ្ឍន៍ជនបទអញ្ជើញចូលរួមក្នុងកម្មវិធីជួបសំណេះសំណាលជាមួយប្រជាពលរដ្ឋរស់នៅតំបន់ ០១ និងតំបន់ ០២ នៃតំបន់អង្គរដែលបានស្ម័គ្រចិត្តមករស់នៅតំបន់រុនតាឯក ស្រុកបន្ទាយស្រី ខេត្តសៀមរាប

ខេត្តសៀមរាប៖ នាថ្ងៃសុក្រ ១១រោច ខែកត្តិក ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី០៨ ខែធ្នូ ឆ្នាំ២០២៣ ឯកឧត្តម ឆាយ ឫទ្ធីសែន រដ្ឋមន្ត្រីក្រសួងអភិវឌ្ឍន៍ជនបទ បានអញ្ជេីញចូលរួមក្នុងពិធីសំណេះសំណាលសាកសួរសុខទុក្ខប្រជាពលរដ្ឋដែលរស់នៅតំបន់ ០១ និងតំបន់ ០២ នៃតំបន់អង្គរដែលបានស្ម័គ្រចិត្តមករស់នៅក្នុងតំបន់អភិវឌ្ឍន៍រុនតាឯក ឃុំរុនតាឯក ស្រុកបន្ទាយស្រី ខេត្តសៀមរាប និងពិធីប្រគល់ប័ណ្ណកម្មសិទ្ធិដីធ្លី ដោយមានប្រជាពលរដ្ឋចូលរួមចំនួនប្រមាណ ៤ ៥០០ នាក់ ក្រោមអធិបតីភាពដ៏ខ្ពង់ខ្ពស់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា៕