លោក វណ្ណ សាឬទ្ធិ ចូលរួមសិក្ខាសាលាស្តីពី ការស្រង់ទិន្នន័យជនពិការភាព និងការទទួលបានសេវាទឹកស្អាត និងអនាម័យជនបទ នៅខេត្តកំពង់ឆ្នាំង

កំពង់ឆ្នាំង៖ នៅថ្ងៃព្រហស្បតិ៍ ១១កើត ខែកត្តិក ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២៣ ខែវិច្ឆិកា ឆ្នាំ២០២៣ លោក វណ្ណ សាឬទ្ធិ ប្រធានការិយាល័យ នៃនាយកដ្ឋានថែទាំសុខភាពជនបទ ក្រសួងអភិវឌ្ឍន៍ជនបទ បានចូលរួមសិក្ខាសាលាស្តីពី ការស្រង់ទិន្នន័យជនពិការភាព និងការទទួលបានសេវាទឹកស្អាត និងអនាម័យជនបទ ដែលបានរៀបចំដោយអង្គការ WaterAid និងសហការសម្របសម្រួលដោយ ក្រសួងសង្គមកិច្ច អតីតយុទ្ធជន និងយុវនីតិសម្បទា។ ក្នុងនោះផងដែរក៏មានការអញ្ជើញចូលរួមពីមន្រ្តីបច្ចេកទេស នៃមន្ទីរអភិវឌ្ឍន៍ជនបទខេត្តកំពង់ឆ្នាំង, រដ្ឋបាលស្រុកកំពង់ត្រឡាច ស្រុកសាមគ្គីមានជ័យ, ជនបង្គោលថ្នាក់ឃុំ និងតំណាងជនពិការទាំងពីរស្រុក សរុបចំនួន ២០ រូប ស្រី ៥។

គោលបំណង នៃសិក្ខាសាលាគឺដើម្បីលើកទឹកចិត្តដល់ភាគីពាក់ព័ន្ធឱ្យយកចិត្តទុកដាក់លើជនមានពិការភាពគ្រប់រូបឱ្យទទួលបានសេវាលើកកម្ពស់ទឹកស្អាត និងអនាម័យប្រកបដោយសមធម៌។

សិក្ខាសាលាសម្រេចបានលទ្ធផលដូចខាងក្រោម៖

១. អ្នកចូលរួមទាំងអស់បានយល់ដឹងពីរបៀបកំណត់អត្តសញ្ញាណជនមានពិការភាពក្នុងតំបន់គោលដៅ។

២. អ្នកចូលរួមបានយល់ដឹងអំពីការចុះបញ្ជីជនមានពិការភាពទៅក្នុងសៀវភៅទិន្នន័យ។

៣.អ្នកចូលរួមបានសហការគ្នារៀបចំផែន ការបណ្តុះបណ្តាលបន្តឱ្យបានគ្រប់ឃុំគោលដៅ ក្នុងស្រុកទាំងពីរ៕

Share your thoughts