![ឯកឧត្ដម ហួត សារឹម ប្រគេនទៀនវស្សា និងជូនអំណោយ ដល់ប្រជាពលរដ្ឋមានជីវភាពខ្វះខាតនៅ ស្រុកដំណាក់ចង្អើរ 6 photo 2024 07 26 12 38 10](https://www.mrd.gov.kh/wp-content/uploads/2024/07/photo_2024-07-26_12-38-10-150x150.jpg)
ឯកឧត្ដម នួន ពេជ្រនិមិត្ត រដ្ឋលេខាធិការ បើកវគ្គបណ្តុះបណ្តាលគ្រូបង្គោលដើម្បីពង្រឹងសមត្ថភាពមន្រ្ដីអនុវត្តគម្រោងកម្មវិធីអភិវឌ្ឍន៍ផ្នែកផ្គត់ផ្គង់សេវាកម្មទឹកស្ងាត និងអនាម័យជនបទ ជំហានទី ៣
- ថ្ងៃទី២១ ខែវិច្ឆិកា ឆ្នាំ២០២៣ ម៉ោង ៦:០០ ល្ងាច
- សកម្មភាពក្រសួង
![ឯកឧត្ដម នួន ពេជ្រនិមិត្ត រដ្ឋលេខាធិការ បើកវគ្គបណ្តុះបណ្តាលគ្រូបង្គោលដើម្បីពង្រឹងសមត្ថភាពមន្រ្ដីអនុវត្តគម្រោងកម្មវិធីអភិវឌ្ឍន៍ផ្នែកផ្គត់ផ្គង់សេវាកម្មទឹកស្ងាត និងអនាម័យជនបទ ជំហានទី ៣ 2 photo 2023 11 20 19 19 34](https://www.mrd.gov.kh/wp-content/uploads/2023/11/photo_2023-11-20_19-19-34-1000x750.jpg)
ខេត្តកំពត៖ នាថ្ងៃចន្ទ-ពុធ ៨-១០កើត ខែកត្តិក ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី ២០-២១ ខែវិច្ឆិកា ឆ្នាំ២០២៣ នៅសណ្ឋាគារឌីយ៉ាម៉ង់ ទីរួមខេត្តកំពត ឯកឧត្ដម នួន ពេជ្រនិមិត្ត រដ្ឋលេខាធិការ តំណាងដ៏ខ្ពង់ខ្ពស់ ឯកឧត្ដម ឆាយ ប្ញទ្ធិសែន រដ្ឋមន្រ្ដីក្រសួងអភិវឌ្ឍន៍ជនបទ បានអញ្ជើញជាអធិបតី បើកវគ្គបណ្តុះបណ្តាលគ្រូបង្គោលស្តីពី ការតាមដាន ត្រួតពិនិត្យ និងវាយតម្លៃគម្រោងកម្មវិធីអភិវឌ្ឍន៍ផ្នែកផ្គត់ផ្គង់សេវាកម្មទឹកស្អាត និងអនាម័យជនបទ ជំហានទី ៣ ។
វគ្គបណ្ដុះបណ្ដាលនេះមានសិក្ខាកាមចូលរួមសរុបចំនួន ៦៦ នាក់ មកពីបណ្ដាខេត្តគោលដៅទាំង ១០ នៃគម្រោងគឺ ខេត្តកំពត កំពង់ស្ពឺ កំពង់ឆ្នាំង ពោធិ៍សាត់ បាត់ដំបង បន្ទាយមានជ័យ ឧត្តរមានជ័យ ព្រះវិហារ សៀមរាប និងខេត្តកំពង់ធំ ព្រមទាំងស្រុកគោលដៅទាំង ១៨ ផងដែរ។
គោលបំណងនៃវគ្គបណ្តុះបណ្តាលគ្រូបង្គោលនេះគឺ ដើម្បីបង្កើនសមត្ថភាពមន្រ្ដីអនុវត្តគម្រោងថ្នាក់ក្រោមជាតិឱ្យយល់ដឹងបន្ថែមទៀតពី ការតាមដាន ត្រួតពិនិត្យ និងវាយតម្លៃគម្រោងកម្មវិធីអភិវឌ្ឍន៍ផ្នែកផ្គត់ផ្គង់សេវាកម្មទឹកស្អាត និងអនាម័យជនបទ ជំហានទី ៣ សម្រេចបានបើប្រៀបធៀបទៅនឹងផែនការរបស់គម្រោងដែលបានដាក់ឱ្យអនុវត្តនាពេលកន្លងមក៕