លោក ធីម សុធារ៉ា ប្រធានមន្ទីរអភិវឌ្ឍន៍ជនបទខេត្តពោធិ៍សាត់ អញ្ជើញជាអធិបតីក្នុងវគ្គបណ្តុះបណ្តាលស្តីពី ការដំឡើងធុងចម្រោះជីវៈសាស្រ្តខ្សាច់ ការប្រើប្រាស់ ការគ្រប់គ្រងទឹកឱ្យមានសុវត្ថិភាព នៅតាមគ្រួសារ

ត្តពោធិ៍សាត់៖ នៅថ្ងៃព្រហស្បតិ៍ ៤កើត ខែកត្តិក ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១៦ ខែវិច្ឆិកា ឆ្នាំ២០២៣ នៅសាលប្រជុំមន្ទីរអភិវឌ្ឍន៍ជនបទខេត្តពោធិ៍សាត់ លោក ធីម សុធារ៉ា ប្រធានមន្ទីរ បានអញ្ជើញជាអធិបតីក្នុងវគ្គបណ្តុះបណ្តាលស្តីពី ការដំឡើងធុងចម្រោះជីវៈសាស្រ្តខ្សាច់ ការប្រើប្រាស់ ការគ្រប់គ្រងទឹកឱ្យមានសុវត្ថិភាព នៅតាមគ្រួសារជនបទ ដោយមានកិច្ចសហប្រតិបត្តិការ និងគាំទ្រដោយអង្គការអភិវឌ្ឍន៍ទឹកស្អាត និងអនាម័យ (WASH SDO) ។

វគ្គបណ្តុះបណ្តាល មានរយៈពេល ៣ថ្ងៃ គឺ ចាប់ពីថ្ងៃទី១៤ ដល់ថ្ងៃទី១៦ ខែវិច្ឆិកា ឆ្នាំ២០២៣ និងមានសិក្ខាកាមចូលរួមសរុបចំនួន១៧ ស្រី៦នាក់។

ជាលទ្ធផល សិក្ខាកាមបានយល់ដឹងអំពីបច្ចេកទេស អត្ថប្រយោជន៍នៃការដំឡើងនិងប្រើប្រាស់ធុងចម្រោះជីវៈសាស្រ្តខ្សាច់ប្រកបដោយអនាម័យ និងគ្រប់គ្រងទឹកឱ្យមានសុវត្ថិភាពតាមគ្រួសារ៕