![ឯកឧត្ដម ហួត សារឹម ប្រគេនទៀនវស្សា និងជូនអំណោយ ដល់ប្រជាពលរដ្ឋមានជីវភាពខ្វះខាតនៅ ស្រុកដំណាក់ចង្អើរ 7 photo 2024 07 26 12 38 10](https://www.mrd.gov.kh/wp-content/uploads/2024/07/photo_2024-07-26_12-38-10-150x150.jpg)
ឯកឧត្ដម ឌៀប កាណូរ៉ា អនុរដ្ឋលេខាធិការ ដឹកនាំកិច្ចប្រជុំពិភាក្សាការងារកិច្ចសហប្រតិបត្តិការជាមួយអង្គការមិនមែនរដ្ឋាភិបាល នៅខេត្តក្រចេះ
- ថ្ងៃទី១៨ ខែវិច្ឆិកា ឆ្នាំ២០២៣ ម៉ោង ១២:០០ ល្ងាច
- សកម្មភាពក្រសួង
![ឯកឧត្ដម ឌៀប កាណូរ៉ា អនុរដ្ឋលេខាធិការ ដឹកនាំកិច្ចប្រជុំពិភាក្សាការងារកិច្ចសហប្រតិបត្តិការជាមួយអង្គការមិនមែនរដ្ឋាភិបាល នៅខេត្តក្រចេះ 2 photo 2023 11 16 17 16 38 2](https://www.mrd.gov.kh/wp-content/uploads/2023/11/photo_2023-11-16_17-16-38-2-1000x563.jpg)
ខេត្តក្រចេះ៖ នៅរសៀលថ្ងៃព្រហស្បតិ៍ ៤កើត ខែកត្តិក ឆ្នាំថោះ បញ្ចស័ក ពុទ្ធសករាជ២៥៦៧ ត្រូវនឹងថ្ងៃទី១៦ ខែវិច្ឆិកា ឆ្នាំ២០២៣ ឯកឧត្ដម ឌៀប កាណូរ៉ា អនុរដ្ឋលេខាធិការ តំណាងដ៏ខ្ពង់ខ្ពស់ ឯកឧត្ដម ឆាយ ឫទ្ធិសែន រដ្ឋមន្ត្រី ក្រសួងអភិវឌ្ឍន៍ជនបទ បានដឹកនាំកិច្ចប្រជុំពិភាក្សាការងារកិច្ចសហប្រតិបត្តិការជាមួយអង្គការមិនមែនរដ្ឋាភិបាល ដោយមានសមាសភាពអញ្ចើញចូលរួមពី លោក លឹម ជាវហាវ ប្រធានមន្ទីរអភិវឌ្ឍន៍ជនបទ ខេត្ត លោកអនុប្រធានមន្ទីរ និងមន្ត្រីជំនាញ ០៤ រូប នៅសាលប្រជុំមន្ទីរអភិវឌ្ឍន៍ជនបទខេត្តក្រចេះ។
គោលបំណងនៃកិច្ចប្រជុំដើម្បីស្វែងយល់ពីសកម្មភាពរបស់មន្ទីរអភិវឌ្ឍន៍ជនបទខេត្ត និងអង្គការមិនមែនរដ្ឋាភិបាលដែលសហការនាពេលកន្លងមក។
ជាកិច្ចបន្ទាប់លោក លឹម ជាវហាវ ប្រធានមន្ទីរ ធ្វើសេចក្ដីរាយការណ៍ ពីលទ្ធផលសម្រេចបាន ដែលអង្គការរាយការណ៍ជូនមកមន្ទីរអភិវឌ្ឍន៍ជនបទ ខេត្ត
បន្ទាប់ពី បញ្ចប់សេចក្ដីរាយការណ៍ របស់លោកប្រធានមន្ទីរអភិវឌ្ឍន៍ជនបទ ខេត្ត ឯកឧត្តម អនុរដ្ឋលេខាធិកា បានផ្ដល់ជាអនុសាសន៍ និងពន្យល់ណែនាំ ព្រមទាំងបកស្រាយពីនិតិវិធី និងរបៀបរបបសហការជាមួយអង្គការ ។
ជាទីបញ្ចប់ ឯកឧត្តម មានមតិផ្តាំផ្ញើអោយមន្ត្រី និងថ្នាក់ដឹកនាំមន្ទីរបន្តសហការគ្នា ប្រឹងប្រែងអនុវត្តការងារតាមការចាត់តាំងរបស់ថ្នាក់ក្រសួងអោយបន្តទទួលបានជោគជ័យបន្ថែមទៀត។
អង្គប្រជុំបានបញ្ចប់ដោយសេចក្តីរីករាយប្រកបដោយបរិយាកាសស្និតស្នាល។