ឯកឧត្តម ភួង សោភា ចុះត្រួតពិនិត្យដំណើរការសាងសង់ស្រះសហគមន៍ ០១កន្លែង  និងផ្លូវចំនួន០២ខ្សែ នៅខេត្តកំពង់ឆ្នាំង

ខេត្តកំពង់ឆ្នាំង៖ ថ្ងៃពុធ ៣កើត ខែកត្តិក ឆ្នាំថោះ បញ្ចស័ក ពុទ្ធស័ករាជ ២៥៦៧ ត្រូវនឹងថ្ងៃទី១៥ ខែវិច្ឆិកា ឆ្នាំ២០២៣ ឯកឧត្តម ភួង សោភា រដ្ឋលេខាធិការ និងជាអ្នកសម្របសម្រួលគម្រោងពង្រឹងសមត្ថភាពផលិតភាពជនបទ (NRRPCP) តំណាងដ៏ខ្ពង់ខ្ពស់ឯកឧត្តម ឆាយ ឫទ្ធិសែន រដ្ឋមន្រ្តីក្រសួងអភិវឌ្ឍន៍ជនបទ អមដំណើរដោយ លោក អ៊ួង ប៉ុណ្ណាការ ប្រធានគ្រប់គ្រងគម្រោង និងក្រុមការងារធនាគារអភិវឌ្ឍន៍ហេដ្ឋារចនាសម្ព័ន្ធអាស៊ី (AIIB) បានចុះត្រួតពិនិត្យដំណើរការសាងសង់ស្រះសហគមន៍ ០១កន្លែង  (ជម្រៅ ៣,៣ ម៉ែត្រ បណ្តោយ ១៣៩ម៉ែត្រ ទទឹង ៥៧ម៉ែត្រ) ស្ថិតនៅភូមិក្រាំងស្រម៉ ឃុំស្វាយជុក ស្រុកសាមគ្គីមានជ័យ ខេត្តកំពង់ឆ្នាំង និងផ្លូវ០២ខ្សែ៖

១- ផ្លូវដែលបានស្ថាបនារួចជាស្ថាពរប្រវែង ៥,៧៤៤ គ.ម ស្ថិតក្នុងឃុំសែប ស្រុកកំពង់ត្រឡាច ខេត្តកំពង់ឆ្នាំង។

២- ផ្លូវដែលកំពុងសាងសង់ប្រវែង ១២,៣៣ គ.ម ស្ថិតក្នុងឃុំគោកបន្ទាយ ស្រុករលាប្អៀរ ខេត្តកំពង់ឆ្នាំង។