ឯកឧត្តម ជា ស្រ៊ុន រដ្ឋលេខាធិការ ដឹកនាំក្រុមការងារបច្ចេកទេស នៃនាយកដ្ឋានផ្លូវលំជនបទ ដើម្បីពិនិត្យនិងវាយតម្លៃផលប៉ះពាល់លើខ្សែផ្លូវ ចំនួន០៧ខ្សែ​ដែលរងការខូចខាតដោយជំនន់ទឹកភ្លៀងនៅក្នុងស្រុកសំពៅលូន ស្រុកបវេល ស្រុកភ្នំព្រឹក ស្រុកបាណន់ និងស្រុកថ្មគោលខេត្តបាត់ដំបង។

ខេត្តបាត់ដំបង: នៅថ្ងៃចន្ទ ៩រោច ខែអស្សុជ ឆ្នាំថោះ បញ្ចស័ក ព.ស២៥៦៧ ត្រូវនឹងថ្ងៃទី០៧ ខែវិច្ឆិកា ឆ្នាំ២០២៣  ឯកឧត្តម ជា ស្រ៊ុន រដ្ឋលេខាធិការ តំណាងដ៏ខ្ពង់ខ្ពស់ ឯកឧត្ដមរដ្ឋមន្ត្រីក្រសួងអភិវឌ្ឍន៍ជនបទ បានដឹកនាំក្រុមការងារបច្ចេកទេសនៃនាយកដ្ឋានផ្លូវលំជនបទ ដើម្បីពិនិត្យនិងវាយតម្លៃផលប៉ះពាល់លើខ្សែផ្លូវចំនួន០៧ខ្សែ ​មានប្រវែងសរុប ១១៦ ៧០០ម៉ែត្រ ដែលរងការខូចខាតដោយជំនន់ទឹកភ្លៀង​ ក្នុងភូមិសាស្ត្រស្រុកសំពៅលូន ស្រុកបវេល ស្រុកភ្នំព្រឹក ស្រុកបាណន់ និងស្រុកថ្មគោល ខេត្តបាត់ដំបង។