ឯកឧត្តម នួន ពេជ្រនិមិត្ត រដ្ឋលេខាធិការ តំណាងដ៏ខ្ពង់ខ្ពស់ឯកឧត្តម ឆាយ ឫទ្ធិសែន ដឹកនាំកិច្ចប្រជុំជាមួយថ្នាក់ដឹកនាំ និងមន្ត្រីរាជការ នៃមន្ទីរអភិវឌ្ឍន៍ជនបទខេត្តស្ទឹងត្រែង

ខេត្តស្ទឹងត្រែង ៖ នាព្រឹកថ្ងៃចន្ទ១រោច ខែអស្សុជ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី៣០ ខែតុលា ឆ្នាំ២០២៣ នៅសាលប្រជុំ នៃមន្ទីរអភិវឌ្ឍន៍ជនបទខេត្តស្ទឹងត្រែង ឯកឧត្តម នួន ពេជ្រនិមិត្ត រដ្ឋលេខាធិការ តំណាងដ៏ខ្ពង់ខ្ពស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានអញ្ជើញដឹកនាំកិច្ចប្រជុំជាមួយថ្នាក់ដឹកនាំ និងមន្ត្រីរាជការ នៃមន្ទីរអភិវឌ្ឍន៍ជនបទខេត្តស្ទឹងត្រែង ដោយបាន ៖

១- ស្តាប់នូវរបាយការណ៍បូកសរុបលទ្ធផលការងារ ដែលមន្ទីរអភិវឌ្ឍន៍ជនបទខេត្តស្ទឹងត្រែង បានអនុវត្តក្នុងរយៈពេល ៩ ខែ ដើមឆ្នាំ២០២៣

២- សំណេះសំណាល សាកសួរសុខទុក្ខ ក្នុងនាម ឯកឧត្តមរដ្ឋមន្ត្រី ចំពោះថ្នាក់ដឹកនាំ មន្ត្រីរាជការរបស់មន្ទីរអភិវឌ្ឍន៍ជនបទខេត្ត

៣- ផ្តាំផ្ញើ និងណែនាំឲ្យមន្ទីរអនុវត្តនូវកិច្ចការងារមួយចំនួនដែលមន្ត្រីយើងចាំបាច់ត្រូវបំពេញ ក្នុងបេសកកម្មរបស់ក្រសួងអភិវឌ្ឍន៍ជនបទ និងជាពិសេសពង្រឹងសាមគ្គីភាពផ្ទៃក្នុង៕