![ឯកឧត្ដម ហួត សារឹម ប្រគេនទៀនវស្សា និងជូនអំណោយ ដល់ប្រជាពលរដ្ឋមានជីវភាពខ្វះខាតនៅ ស្រុកដំណាក់ចង្អើរ 12 photo 2024 07 26 12 38 10](https://www.mrd.gov.kh/wp-content/uploads/2024/07/photo_2024-07-26_12-38-10-150x150.jpg)
លោក សំ នីតូ អមដំណើរគណៈប្រតិភូរបស់ធនាគារអភិវឌ្ឍន៍អាស៊ី (ADB) ប្រចាំកម្ពុជា និងក្រុមការងារបច្ចេកទេសរបស់ក្រសួងអភិវឌ្ឍន៍ជនបទ ចុះពិនិត្យវឌ្ឍនភាពការងារស្ថាបនាផ្លូវជនបទ ចំនួន២ខ្សែ ក្នុងខេត្តស្វាយរៀង
- ថ្ងៃទី២៨ ខែតុលា ឆ្នាំ២០២៣ ម៉ោង ៤:៥៣ ល្ងាច
- សកម្មភាពក្រសួង
![លោក សំ នីតូ អមដំណើរគណៈប្រតិភូរបស់ធនាគារអភិវឌ្ឍន៍អាស៊ី (ADB) ប្រចាំកម្ពុជា និងក្រុមការងារបច្ចេកទេសរបស់ក្រសួងអភិវឌ្ឍន៍ជនបទ ចុះពិនិត្យវឌ្ឍនភាពការងារស្ថាបនាផ្លូវជនបទ ចំនួន២ខ្សែ ក្នុងខេត្តស្វាយរៀង 2 IMG 20231028 164917 796](https://www.mrd.gov.kh/wp-content/uploads/2023/10/IMG_20231028_164917_796-1000x750.jpg)
ខេត្តស្វាយរៀង ៖ នាថ្ងៃព្រហស្បតិ៍១២កើត-សុក្រ១៣កើត ខែអស្សុជ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២៦-២៧ ខែតុលា ឆ្នាំ២០២៣ លោក សំ នីតូ ប្រធានមន្ទីរអភិវឌ្ឍន៍ជនបទខេត្តស្វាយរៀង និងជាប្រធានសម្របសម្រួលគម្រោងថ្នាក់ខេត្ត បានចូលរួមអមដំណើរគណៈប្រតិភូរបស់ធនាគារអភិវឌ្ឍន៍អាស៊ី (ADB) ប្រចាំកម្ពុជា និងក្រុមការងារបច្ចេកទេសរបស់ក្រសួងអភិវឌ្ឍន៍ជនបទ រួមជាមួយក្រុមហ៊ុន Tan Kim Eng Co.,Ltd ចុះពិនិត្យវឌ្ឍនភាពនៃការអនុវត្តគម្រោង វាយតម្លៃអំពីប្រសិទ្ធភាពការងារ និងពិនិត្យសកម្មភាពកិច្ចគាំពារសង្គម និងបរិស្ថាន លើការងារស្ថាបនាផ្លូវជនបទក្រាលកៅស៊ូពីរជាន់ (DBST) របស់គម្រោងកែលម្អផ្លូវជនបទជំហានទី៣ (RRIP-3) មានចំនួន ០២ខ្សែ ដូចខាងក្រោម៖
-ខ្សែទី១៖ ផ្លូវ SVR4a ប្រវែង ១ ៨០០ម៉ែត្រ ចាប់ពីមុខសាលាឃុំធ្មា ដល់ភ្ជាប់ផ្លូវខេត្តលេខ១០ ស្រុករំដួល ខេត្តស្វាយរៀង។
-ខ្សែទី២៖ ផ្លូវ SVR8 ប្រវែង ១៣ ៣៦៨ម៉ែត្រ ចាប់ពីឃុំបន្ទាយក្រាំង ស្រុកកំពង់រោទិ៍ ដល់ឃុំបាសាក់ ស្រុកស្វាយជ្រំ ខេត្តស្វាយរៀង៕