ឯកឧត្តម ស្រ៊ិន ពុទ្ធី  ដឹកនាំក្រុមការងារបច្ចេកទេស ចុះត្រួតពិនិត្យទីតាំងសម្រាប់សា្ដរស្រះសហគមន៍មួយកន្លែង នៅក្នុងខេត្តតាកែវ

ខេត្តតាកែវ៖ នាព្រឹកថ្ងៃអង្គារ ១០កើត ខែអស្សុជ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២៤ ខែតុលា ឆ្នាំ២០២៣ ឯកឧត្តម ស្រ៊ិន ពុទ្ធី ទីប្រឹក្សាក្រសួង និងជាប្រធាននាយកដ្ឋានផ្គត់ផ្គង់ទឹកជនបទ បានដឹកនាំក្រុមការងារបច្ចេកទេសរបស់នាយកដ្ឋាន ដោយមានការសម្របសម្រួល និងសហការគ្នាយ៉ាងល្អជាមួយមន្ទីរអភិវឌ្ឍន៍ជនបទខេត្តតាកែវ ចុះត្រួតពិនិត្យទីតាំងសម្រាប់សា្ដរស្រះសហគមន៍មួយកន្លែង ស្ថិតនៅភូមិទន្លេ ឃុំត្រឡាច ស្រុកទ្រាំង ខេត្តតាកែវ។

ស្រះសហគមន៍នេះ មានទំហំ ៤២ ម៉ែត្រ x ៦២ ម៉ែត្រ ជម្រៅ ២ ម៉ែត្រ ដែលអាចផ្ដល់ទឹកសម្រាប់ប្រើប្រាស់ជូនបងប្អូនប្រជាពលរដ្ឋរស់នៅក្នុងមូលដ្ឋាននោះ ចំនួន ១០០ គ្រួសារ (៥៧០ នាក់)៕

Share your thoughts