![ឯកឧត្តម ម៉ា សុវណ្ណា បានដឹកនាំកិច្ចប្រជុំក្រុមលេខាធិការដ្ឋានរៀបចំគោល នយោបាយជាតិអភិវឌ្ឍន៍ជនបទឆ្នាំ២០២៥-២០៣៨ 8 photo 2024 07 25 18 10 55 2](https://www.mrd.gov.kh/wp-content/uploads/2024/07/photo_2024-07-25_18-10-55-2-150x150.jpg)
ឯកឧត្តម ផូ ផារិទ្ធ អញ្ជើញដឹកនាំកិច្ចប្រជុំលើកទី២ នៃអនុគណៈកម្មការរៀបចំពិធី និងឯកសារ នៃគណៈកម្មការរៀបចំសន្និបាតបូកសរុបលទ្ធផលការងារឆ្នាំ២០២៣ និងលើកទិសដៅការងារឆ្នាំ២០២៤ របស់ក្រសួងអភិវឌ្ឍន៍ជនបទ
- ថ្ងៃទី១៩ ខែតុលា ឆ្នាំ២០២៣ ម៉ោង ៤:២៦ ល្ងាច
- សកម្មភាពក្រសួង
![ឯកឧត្តម ផូ ផារិទ្ធ អញ្ជើញដឹកនាំកិច្ចប្រជុំលើកទី២ នៃអនុគណៈកម្មការរៀបចំពិធី និងឯកសារ នៃគណៈកម្មការរៀបចំសន្និបាតបូកសរុបលទ្ធផលការងារឆ្នាំ២០២៣ និងលើកទិសដៅការងារឆ្នាំ២០២៤ របស់ក្រសួងអភិវឌ្ឍន៍ជនបទ 2 photo 2023 10 19 07 06 51](https://www.mrd.gov.kh/wp-content/uploads/2023/10/photo_2023-10-19_07-06-51-1000x750.jpg)
រាជធានីភ្នំពេញ៖ នៅថ្ងៃពុធ ៤កើត ខែអស្សុជ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១៨ ខែតុលា ឆ្នាំ២០២៣ នៅទីស្ដីការក្រសួង ឯកឧត្តម ផូ ផារិទ្ធ រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានអញ្ជើញដឹកនាំកិច្ចប្រជុំលើកទី២ នៃអនុគណៈកម្មការរៀបចំពិធី និងឯកសារ នៃគណៈកម្មការរៀបចំសន្និបាតបូកសរុបលទ្ធផលការងារឆ្នាំ២០២៣ និងលើកទិសដៅការងារឆ្នាំ២០២៤ របស់ក្រសួងអភិវឌ្ឍន៍ជនបទ ដោយមានសមាសភាពចូលរួមពីឯកឧត្តម លាង សេង អនុរដ្ឋលេខាធិការ ឯកឧត្តម បាន បូរ័ត្ន អគ្គនាយករដ្ឋបាល និងហិរញ្ញវត្ថុ លោក អគ្គនាយករង ឯកឧត្តមប្រធាននាយកដ្ឋានផ្គត់ផ្គង់ និងហិរញ្ញវត្ថុ លោកប្រធាននាយកដ្ឋានរដ្ឋបាល និងបុគ្គលិក លោក លោកស្រី ដែលមានក្នុងសមាសភាព នៃអនុគណៈកម្មការរៀបចំពិធី និងឯកសារ នៃគណៈកម្មការរៀបចំសន្និបាត សរុបចំនួន ២០នាក់។
គោលបំណង នៃកិច្ចប្រជុំអនុគណៈកម្មការរៀបចំពិធី និងឯកសារ នៃគណៈកម្មការរៀបចំសន្និបាតបូកសរុបលទ្ធផលការងារឆ្នាំ២០២៣ និងលើកទិសដៅការងារឆ្នាំ២០២៤ លើកទី២ ដើម្បីតាមដានវឌ្ឍនភាពការងារដែលបានបែងចែកភារកិច្ចកន្លងមក កាលពីកិច្ចប្រជុំលើកទី១ និងពិភាក្សាបំពេញបន្ថែមលើចំណុចខ្វះខាតនៅពេលរៀបចំសន្និបាត៕