ឯកឧត្តម ស្រ៊ិន​ ពុទ្ធី​ បានដឹកនាំកិច្ចប្រជុំក្រុមការងារការផ្គត់ផ្គង់ទឹក ការសំអាត និងអនាម័យជនបទ​(WATSAN) ប្រចាំខែកញ្ញា

រាជធានីភ្នំពេញ៖ នាព្រឹកថ្ងៃអង្គារ​ ៤ រោច ខែភទ្របទ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី​០៣ ខែតុលា ឆ្នាំ​ ២០២៣ ឯកឧត្តម ស្រ៊ិន​ ​ ពុទ្ធី​ ទីប្រឹក្សាក្រសួងអភិវឌ្ឍន៍ជនបទ និងជាប្រធាននាយកដ្ឋានផ្គត់ផ្គង់ទឹកជនបទ​ បានដឹកនាំកិច្ចប្រជុំក្រុមការងារការផ្គត់ផ្គង់ទឹក ការសំអាត និងអនាម័យជនបទ​(WATSAN) ប្រចាំខែកញ្ញា ដែលមានសមាជិកចូលរួម ក្នុងកិច្ចប្រជុំមានចំនួន ៤៨ នាក់(ស្រី ១២ នាក់)។

កិច្ចប្រជុំនេះមានគោលបំណង គឺផ្ដោតទៅលើចំនុចមួយចំនួនរួមមាន៖

១-បង្ហាញអំពីវឌ្ឍនភាព នៃការអនុវត្តផែនការសកម្មភាពខេត្ត និងអង្គការ ដៃគូអភិវឌ្ឍន៍នានា។

២-បង្ហាញអំពីវឌ្ឍនភាពការងាររបស់អនុក្រុមផ្គត់ផ្គង់ទឹកជនបទ អនុក្រុមអនាម័យជនបទ អនុក្រុមអាហារូបត្ថម្ភ និងកិច្ចពិភាក្សា។