លោក នួន សុខា អនុប្រធាននាយកដ្ឋានផ្លូវលំជនបទ បានដឹកនាំ ក្រុមការងារអន្តរក្រសួងចុះពិនិត្យនិងវាយតម្លៃស្ថានភាពផ្លូវជនបទ០១ខ្សែ ដែលបានស្នើសុំជួសជុលបន្ទាន់ជំហានទី០១ សម្រាប់ឆ្នាំ២០២៣

ខេត្តព្រះសីហនុ៖ ថ្ងៃសុក្រ ០១កើត ខែភទ្របទ ឆ្នាំថោះ បញ្ចស័ក ព.ស. ២៥៦៧ ត្រូវនឹងថ្ងៃទី១៥ ខែកញ្ញា ឆ្នាំ២០២៣ លោក នួន សុខា អនុប្រធាននាយកដ្ឋានផ្លូវលំជនបទ បានដឹកនាំ​ក្រុមការងារអន្តរក្រសួងចុះពិនិត្យនិងវាយតម្លៃស្ថានភាពផ្លូវជនបទ០១ខ្សែ ដែលបានស្នើសុំជួសជុលបន្ទាន់ជំហានទី០១ សម្រាប់ឆ្នាំ២០២៣ ដោយមានការចូលរួមពី​ លោក ប្រាក់ វណ្ណដេត អនុប្រធានការិយាល័យ នៃក្រសួងសេដ្ឋកិច្ចនិងហិរញ្ញវត្ថុ​ លោក ខៀវ ច័ន្ទតូលីន ប្រធានការិយាល័យផ្លូវជនបទ និងក្រុមបច្ចេកទេសផ្លូវជនបទ នៃមន្ទីរអភិវឌ្ឍន៍ជនបទខេត្តព្រះសីហនុ។​

ជាលទ្ធផល៖ ក្រុមការងារអន្តរក្រសួងបានពិនិត្យនិងសម្រេចដាក់ផែនការជួសជុលនិងស្ដារឡើងវិញ​​ នៅពេលចេញវស្សាឆាប់ៗខាងមុខនេះ​ ដែលផ្លូវនេះមានប្រវែង២ ៨៦០ ម៉ែត្រ ស្ថិតនៅតំបន់ដីសម្បទានសង្គមកិច្ច ក្នុងភូមិ១ ឃុំទំនប់រលក ស្រុកស្ទឹងហាវ ខេត្តព្រះសីហនុ។​