ឯកឧត្ដម លឹម អ៊ីវ អនុរដ្ឋលេខាធិការ តំណាងមកពីក្រសួងអភិវឌ្ឍន៍ជនបទ បានចូលរួមក្នុងពិធីសម្ពោធបើកការតាំងពិព័រណ៍វិស័យសំណង់ ម្ហូបអាហារ និងសណ្ឋាគារ ខ្នាតអន្តរជាតិ (CAMBUILD – CAMFOOD+HOTEL 2023) នៅមជ្ឈមណ្ឌលសន្និបាត និងពិព័រណ៍កោះពេជ្រ

រាជធាភ្នំពេញ៖ នៅព្រឹកថ្ងៃព្រហស្បតិ៍ ១៤រោច ខែស្រាពណ៍ ឆ្នាំថោះ បញ្ចស័ក ព.ស. ២៥៦៧ ត្រូវនឹងថ្ងៃទី១៤ ខែកញ្ញា ឆ្នាំ២០២៣ ឯកឧត្ដម លឹម អ៊ីវ អនុរដ្ឋលេខាធិការ តំណាងមកពីក្រសួងអភិវឌ្ឍន៍ជនបទ បានចូលរួមក្នុងពិធីសម្ពោធបើកការតាំងពិព័រណ៍វិស័យសំណង់ ម្ហូបអាហារ និងសណ្ឋាគារ ខ្នាតអន្តរជាតិ (CAMBUILD – CAMFOOD+HOTEL 2023) នៅមជ្ឈមណ្ឌលសន្និបាត និងពិព័រណ៍កោះពេជ្រ។ ពិធីនេះត្រូវបានរៀបចំឡើងដោយក្រុមហ៊ុន Tarsus និងដោយមានការចូលរួមពីក្រសួងរៀបចំដែនដី នគរូបនីយកម្ម និងសំណង់, ក្រសួងទេសចរណ៍ ក្រសួងពាណិជ្ជកម្ម គណៈស្ថាបត្យករកម្ពុជា និងគណៈវិស្វករកម្ពុជា។