ឯកឧត្តម អ៊ិន ចន្ថា រដ្ឋលេខាធិការ តំណាងដ៏ខ្ពង់ខ្ពស់ឯកឧត្តមបណ្ឌិតសភាចារ្យ អ៊ុក រ៉ាប៊ុន អញ្ជើញត្រួតពិនិត្យវាយតម្លៃ និងប្រគល់ទទួលការងារសាងសង់ផ្លូវចំនួន ០២ គម្រោង នៅខេត្តព្រៃវែង

នៅថ្ងៃពុធ ៥កើត ខែទុតិយាសាឍ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃថ្ងៃទី១៤ ខែកក្កដា ឆ្នាំ២០២១ ឯកឧត្តម អ៊ិន ចន្ថា រដ្ឋលេខាធិការ តំណាងដ៏ខ្ពង់ខ្ពស់ឯកឧត្តមបណ្ឌិតសភាចារ្យ អ៊ុក រ៉ាប៊ុន រដ្ឋមន្ត្រីក្រសួងអភិវឌ្ឍន៍ជនបទ បានដឹកនាំគណ:កម្មកាអន្ដរក្រសួង រួមមានតំណាងក្រសួងអភិវឌ្ឍន៍ជនបទ និងក្រសួងសេដ្ឋកិច្ច និងហិរញ្ញវត្ថុ អញ្ជើញត្រួតពិនិត្យវាយតម្លៃ និងប្រគល់ ទទួលការងារសាងសង់ផ្លូវចំនួន ០២ គម្រោងដូចខាងក្រោម ៖

-គម្រោងទី១ ៖ ការងារស្ថាបនាផ្លូវក្រាលកៅស៊ូពីរជាន់ប្រភេទ DBST ចំនួន ០១ ខ្សែ ប្រវែង ៣ ៨០០ ម៉ែត្រ ទទឹង ៦ ម៉ែត្រ កម្រាស់ ០,២ ម៉ែត្រ សាងសង់លូប្រអប់មុខពីរចំនួន ០១ កន្លែង លូមូលមុខពីរចំនួន ០១ កន្លែង ស្ថិតនៅក្នុងស្រុកស្វាយអន្ទរ ខេត្តព្រៃវែង ។ គម្រោងនេះគណ:កម្មការបានសម្រេចទទួលយក ១០០%។

-គម្រោងទី២ ៖ ការងារស្ថាបនាផ្លូវកៅស៊ូពីរជាន់ប្រភេទ DBST ចំនួន ០១ខ្សែ ប្រវែង ៣ ៥០០ ម៉ែត្រ ទទឹង ៦ ម៉ែត្រ កម្រាស់ ០,២ ម៉ែត្រ សាងសង់លូមូលមុខបីចំនួន ១ កន្លែង លូមុខពីរចំនួន ០១ កន្លែង និងលូមុខមួយ ០៣ កន្លែង ស្ថិតនៅស្រុកស្វាយអន្ទរ ខេត្ត ព្រៃវែង ។ គម្រោងនេះគណ:កម្មការអន្ដរក្រសួងបានសម្រេចឯកភាពទទួលយកដោយបញ្ចប់រយ:ពេលធានាសុពលភាពជាស្ថាបពរ។

សូមបញ្ជាក់ថា ៖ គម្រោងទាំពីរខាងលើនេះអនុវត្តដោយនាយកដ្ឋានវិស្វកម្ម ក្រសួងការពារជាតិ ៕