កម្មវិធីអភិវឌ្ឍន៍ និងធ្វើឱ្យប្រសើរឡើងលើវិស័យផ្គត់ផ្គង់ទឹកស្អាត និងអនាម័យជនបទប្រកបដោយនិរន្តភាព(RWSHI-SDP)

កម្មវិធីមានសមាសភាគចំនួន៣៖

សមាសភាគទី១ ៖ ធ្វើឱ្យប្រសើរឡើង
និងពង្រីកសេវាផ្គត់ផ្គង់ទឹកសុវត្ថិភាពជនបទដែលធន់នឹងការប្រែប្រួលអាកាសធាតុប្រកបដោយបរិយាបន្ន តាមរយៈការសាងសង់អណ្តូងទឹក
ផ្តល់ពាងត្រងទឹកភ្លៀង សាងសង់ប្រព័ន្ធចែកចាយទឹកតាមបំពង់ខ្នាតតូចសហគមន៍
ស្តារស្រះសហគមន៍ដោយបំពាក់ប្រពន្ធ័ចម្រោះ នៅតាមខេត្តគោលដៅ ។

សមាសភាគទី២ ៖ ធ្វើឱ្យប្រសើរឡើង និងពង្រីកសេវាអនាម័យជនបទដែលធន់នឹងការប្រែប្រួលអាកាសធាតុប្រកបដោយបរិយាបន្ន តាមរយៈការផ្តល់បង្គន់អនាម័យលក្ខណៈគ្រួសារដល់គ្រួសារក្រីក្រ និងបង្គន់សាធារណៈដល់សាលារៀន និងមណ្ឌលសុខភាព និងអប់រំ ផ្សព្វផ្សាយ ដើម្បីផ្លាស់ប្តូរឥរិយាបទអំពីអនាម័យល្អដល់សហគមន៍
និងសាលារៀនដើម្បីលើកទឹកចិត្តគ្រួសារដែលមិនមានបង្គន់អនាម័យឱ្យសាងសង់បង្គន់ ដើម្បីសម្រេចបាននូវការបញ្ចប់ការបន្ទោបង់ពាសវាលពាសកាល និងអនុវត្តការគ្រប់គ្រងកាកសំណល់លាមកប្រកបដោយសុវត្ថិភាព ។

សមាសភាគទី ៣៖ ពង្រឹងសមត្ថភាពស្ថាប័ន ធនធានមនុស្ស និងក្របខណ្ឌគតិយុត្តិ ពាក់ព័ន្ធ ទៅនឹងការងារផ្គត់ផ្គង់ទឹកស្អាតនិងអនាម័យជនបទ ដែលធន់នឹងការប្រែប្រួលអាកាសធាតុ ដើម្បីធានាថានីតិវិធី និងប្រព័ន្ធការងារត្រូវបានដាក់ឱ្យអនុវត្តប្រកបដោយប្រសិទ្ធភាព និងនិរន្តរភាព។