ឯកឧត្តម ឆាយ ឫទ្ធិសែន អនុញ្ញាតជូនឯកឧត្តម Steven Pang Chee Wee ឯកអគ្គរដ្ឋទូតនៃសាធារណរដ្ឋសិង្ហបុរីប្រចាំប្រទេសកម្ពុជា និងសហការី ចូលជួបសម្តែងការគួរសម និងពិភាក្សាការងារ។
- ៧ នាទីមុន ថ្ងៃទី៧ ខែឧសភា ២០២៦
- សកម្មភាពមន្ទីរ
ឯកឧត្តម ឆាយ ឫទ្ធិសែន អនុញ្ញាតជូនឯកឧត្តម Steven Pang Chee Wee ឯកអគ្គរដ្ឋទូតនៃសាធារណរដ្ឋសិង្ហបុរីប្រចាំប្រទេសកម្ពុជា និងសហការី ចូលជួបសម្តែងការគួរសម និងពិភាក្សាការងារ។
រាជធានីភ្នំពេញ៖ នាព្រឹកថ្ងៃព្រហស្បតិ៍ ៦រោច ខែពិសាខ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៧ ខែឧសភា ឆ្នាំ២០២៦ នៅទីស្តីការក្រសួងអភិវឌ្ឍន៍ជនបទ ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ អមដោយឯកឧត្តមជាថ្នាក់ដឹកនាំក្រសួង បានអនុញ្ញាតជូន ឯកឧត្តម Steven Pang Chee Wee ឯកអគ្គរដ្ឋទូតនៃសាធារណរដ្ឋសិង្ហបុរីប្រចាំប្រទេសកម្ពុជា និងសហការី ចូលជួបសម្តែងការគួរសម និងពិភាក្សាការងារ។ ជាកិច្ចចាប់ផ្តើម ឯកឧត្តមរដ្ឋមន្ត្រី បានសម្តែងការស្វាគមន៍ និងជម្រាបជូនឯកឧត្តម ឯកអគ្គរដ្ឋទូត និងប្រតិភូ អំពីការកសាង និងអភិវឌ្ឍប្រទេសក្រោមម្លប់ដ៏ត្រជាក់នៃសុខសន្តិភាព ក្រោមការដឹកនាំដ៏ឈ្លាសវៃនិងត្រឹមត្រូវរបស់ សម្តេចអគ្គមហាសេនាបតីតេជោ ហ៊ុន សែន បិតាសន្តិភាពនៃកម្ពុជា អតីតនាយករដ្ឋមន្ត្រី និងបច្ចុប្បន្នជាប្រធានព្រឹទ្ធសភា និងក្រោមការដឹកនាំបន្តវេនប្រកបដោយគតិបណ្ឌិតរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា តាមរយៈការដាក់ចេញនូវយុទ្ធសាស្ត្របញ្ចកោណដំណាក់កាលទី១ សំដៅសម្រេចឱ្យបានចក្ខុវិស័យកម្ពុជាឆ្នាំ២០៥០ ជាប្រទេសដែលមានប្រាក់ចំណូលកម្រិតខ្ពស់។ ឯកឧត្តមរដ្ឋមន្ត្រី ក៏បានបន្តលើកឡើងអំពីសមិទ្ធផលនានាដែលសម្រេចបាននាពេលកន្លងមកនិងគោលដៅការងាររបស់ក្រសួងអភិវឌ្ឍន៍ជនបទ តាមរយៈការអនុវត្តនូវយុទ្ធសាស្ដ្រចំនួន ៥ ដែលបានកំណត់ក្នុងគោលនយោបាយជាតិស្ដីពី ការអភិវឌ្ឍជនបទឆ្នាំ២០២៥-២០៣៥ ដែលមានចក្ខុវិស័យ “កសាងសង្គមជនបទកម្ពុជាឱ្យមានវិបុលភាពប្រកបដោយបរិយាបន្ន សមធម៌ និងចីរភាព” ។ ជាមួយគ្នានេះ ឯកឧត្តមរដ្ឋមន្ត្រី ក៏បានរំលេចអំពីកិច្ចសហប្រតិបត្តិការយ៉ាងជិតស្និទ្ធរវាងក្រសួងអភិវឌ្ឍន៍ជនបទ ជាមួយនិងសាធារណរដ្ឋសិង្ហបុរី តាមរយៈការបណ្តុះបណ្តាលធនធានមនុស្ស ក្រោមអាហារូបករណ៍របស់សាធារណរដ្ឋសិង្ហបុរីជូនដល់មន្ត្រីរាជការក្រសួងអភិវឌ្ឍន៍ជនបទនាពេលកន្លងមក។
បន្ទាប់ពីប្រសាសន៍ស្វាគមន៍របស់ឯកឧត្តមរដ្ឋមន្ត្រីរួចមក ឯកឧត្តម Steven Pang Chee Wee បានធ្វើការថ្លែងអំណរគុណយ៉ាងជ្រាលជ្រៅចំពោះ ឯកឧត្តមរដ្ឋមន្ត្រី ចំពោះការទទួលស្វាគមន៍ឯកឧត្តម និងសហការី យ៉ាងកក់ក្តៅ និង បានសម្តែងការកោតសសើរ និងវាយតម្លៃខ្ពស់ចំពោះសមិទ្ធផលទាំងឡាយដែលកើតចេញពីការខិតខំរបស់រាជរដ្ឋាភិបាលកម្ពុជា។ ឯកឧត្តមឯកអគ្គរដ្ឋទូត បានសម្តែងការគាំទ្រចំពោះបេសកកម្មរបស់របស់ក្រសួងអភិវឌ្ឍន៍ជនបទ ដែលជួយឱ្យតំបន់ជនបទនៅកម្ពុជាមានការអភិវឌ្ឍកាន់តែឆាប់រហ័ស និងធានាបានកំណើនប្រាក់ចំណូលគ្រួសារប្រកបដោយចីរភាព។ ជាមួយគ្នានោះដែរ ឯកឧត្តមឯកអគ្គរដ្ឋទូត ក៏បានលើកឡើងអំពីទំនាក់ទំនង និងកិច្ចសហប្រតិបត្តិការរវាងរដ្ឋាភិបាលសិង្ហបុរី និងរាជរដ្ឋាភិបាលកម្ពុជា នាពេលកន្លងមក ហើយឯកឧត្តមក៏បានបង្ហាញពីជំហរពង្រឹងកិច្ចសហប្រតិបត្តិការនេះឱ្យកាន់តែរឹងមាំបន្ថែមទៀតផងដែរ។
មុននឹងបញ្ចប់ ឯកឧត្តមរដ្ឋមន្ត្រីបានថ្លែងអំណរគុណចំពោះឯកឧត្តម និងសហការីក្នុងការប្តេជ្ញាចិត្តបន្តកិច្ចសហប្រតិបត្តិការ ជាមួយរាជរដ្ឋាភិបាលកម្ពុជា ក៏ដូចជា ជាមួយក្រសួងអភិវឌ្ឍន៍ជនបទ ដើម្បីជំរុញការអភិវឌ្ឍនៅតំបន់ជនបទមានសន្ទុះកាន់តែលឿន និងប្រែក្លាយតំបន់ជនបទនៅកម្ពុជា ទៅជាសង្គមជនបទប្រកបដោយភាពស៊ីវីល័យ៕
Phnom Penh: On Thursday morning, May 7, 2026, at the Ministry of Rural Development (MRD), H.E. Chhay Rithisen, Minister of Rural Development, accompanied by the Ministry’s senior leadership, received H.E. Steven Pang Chee Wee, Ambassador of the Republic of Singapore to the Kingdom of Cambodia, and delegation for a courtesy call and working discussion.
In his welcome remarks, the Minister highlighted Cambodia’s development under the umbrella of lasting peace—guided by the wise leadership of Samdech Akka Moha Sena Padei Techo Hun Sen, Father of Peace of Cambodia, former Prime Minister and current President of the Senate—and the continued leadership of Samdech Moha Bovor Thipadei Hun Manet, Prime Minister, through the Phase I Pentagonal Strategy aimed at achieving Cambodia Vision 2050 as a high‑income nation.
H.E. Chhay Rithisen reviewed MRD’s recent achievements and priorities anchored in the five strategies of the National Policy on Rural Development 2025–2035, with the vision to “build Cambodia’s rural society to be prosperous with inclusiveness, equity, and sustainability.” He also underlined close Cambodia–Singapore cooperation, especially in human resource development via Singapore cooperation training opportunities program for MRD civil servants.
Ambassador Steven Pang expressed sincere appreciation for the warm reception, praised Cambodia’s progress, and voiced strong support for MRD’s mission to accelerate rural development and sustainably increase household incomes. He also noted the depth of Cambodia–Singapore relations and affirmed Singapore’s commitment to further strengthen bilateral cooperation.
In closing, the Minister thanked the Ambassador and delegation for their commitment to continued collaboration with the Royal Government of Cambodia and with MRD, to help accelerate rural development and transform Cambodia’s rural into modern, thriving rural communities.
